平時，我星期六係做到1點，唉!今個星期六又有野做，我連習武都冇得練，而且做既時間都唔係早收工，尋日我7點半先至完成，而且同波叔、jimmy、華哥(同我一齊係CITY U共過事既)、鄭生(安達工程既老闆，華哥既老闆)、威哥(都係鄭生既員工)

我尋日都以為我最遲，完來我係中位，最遲係波叔，唉!為人師表，都係做事嘛嘛!成日都遲到。

向來鄭生都對我好好，我上去佢公司都有兩次，一次同jimmy，一次同波叔加jimmy，之後再上hongkong boardband 睇site都係佢請我食個3點3，唉!我有遇到呢個老闆，係我既福氣，可惜佢唔係我老闆。今次見佢，佢又係好客氣，請我抽口煙!華哥同威哥都對我好好，唉!我有電工A牌，我都想跳槽。

呢日既工作一d都唔簡單，我覺得鰂魚涌呢個地方既工作，係好困難，冇電工底，冇咩UPS既知識!基本上，我做到第三個月，唉!既冇對呢行既認識，又冇對工作產生好大既興趣，更加係失敗感重重，過埋呢段時間，我打算走，而且非走不可。

唉!點講呢，做極都唔識，做極都唔知自己做緊咩，我為錢做落去，今日我無錢，一到穩定D，一定會走!同WENDY一樣!

早排u right佑威集團已經倒閉左，今日又到電器界出事，泰林電器今日終告執左，唉!一間執完又到另一間，我覺得呢個將係一個骨牌效應，而且係一個將會係更可怕既風暴。

想轉工既朋友，包括我自己，我都覺得呢個時候唔應該轉，因為最可怕既係當你跳糟過左，今日冇事，聽日執粒，咁就死啦!

泰林，我好記得我細個既時候，係香港最大間最多分店既電器鋪，個時係稱霸尖沙嘴!不過後黎比豐澤、百老匯、國美、中原、張毛記同埋鐳射後來居上，多國分散攻擊，之後仲要整雷曼呢件旦散，泰林...唔執都唔得!

不過我到咁耐都冇幫襯過呢間野，除左我記得佢既存在同埋有關心言同佢賣下廣告...講真泰林曾經存在係上水得半年，哂氣啦!搵鬼買咩...

而家我相信最多分店既應該係百老匯，百老匯有「容小姐」坐陣，想執冇咩可能係佢!中原有「矮仔」同「m記廣告靚女」，國美我唔知係「大鬼妹」還是「泳衣」...豐澤不嬲都冇...鐳射係「琳琳」...

買電話野我去百老匯，買notebook我去鐳射，我細佬買相機野都係去鐳射，泰林我真係未考慮過!