今日係公司坐左一陣，之後師傅就有話mission要去，就係去側魚涌!
咁搭車用左一大輪時間，之後就去左側魚涌啦!呢個地方我可以講我差不多完全唔識，因為我去呢個地方不多於三次，而且去既時間唔多，對呢個地方唔多了解，所以我就都係跟師傅行!
另外呢，我覺得今次呢個地方，個接待我同師傅既人好1好禮貌，雖然有咩特別好既待遇，但係我覺得已經唔錯，唉!諗起以前個d客，我覺得cova已經好到爆燈!
今次係做電池櫃，同埋ups既工程，都可以話幾有挑戰性。
一路做野，同師傅都夾得幾開心，不過「好戲」總係後頭。我係完成第一層電池架，之後呢我上埋last一粒鑼絲，我用既係「luck luck」(係一個上六角鑼絲既功具)，突然short到隔離一個電池位，唉!出事啦!眼前一光，「卜」一聲，手部麻痺，「luck luck」飛走左，「box頭」炸爆左!
我個一刻係嚇親，我當然抽根煙定下神，我師傅就笑我:「軒仔，要唔要整d定心丸呀?」
不過我驚既唔係嚇親，而係「box頭」係「luck luck」既一個配件，而且係我親手整爛左，仲要係公司既財物，唉!實比波叔罵死啦!jimmy已經上報左比波叔，唉!我肯定比人照肺!之後我返到上水個時，搵丘氏電器既朋友阿偉幫幫手(佢係我個時做鴻利個d客底)，不過佢做水電老闆，但居然都冇「luck luck」賣，佢都好好人介紹另一間五金鋪!最後我買返一粒新既8號「box 屎」
但係我諗我做埋今個月都係準備等炒魷，自問自己係呢行個工作能力真係嘛嘛，似乎我唔太合適技術型行業。
|
