今日我朝早好早就起左身，我去左大埔既逸雅苑見工，亦都係上水啟勝見埋工，兩者都係要等消息...

咁我觀察過逸雅苑，其實就好簡單，冇咩複雜既屋苑格局，都係Y型!有三棟，相信處理簡單容易，我喜歡呢個地方!最抵死既係咁岩個主任放左假，有個可能係副主任睇場，我覺得佢幾好傾，都算係幾有趣既人。

之後我返落上水，我見到上水廣場又有招攬保安同客戶服務助理，咁我覺得上水廣場都係近自己，咁都可以話係好選擇黎既，不過呢我知道客戶服務助理，係一件好易比客人屌到飛起既!其一係呢個香港咩人都有，麻煩唔麻煩都有，咁我雖然係覺得比人屌到飛起又唔係未試過，最怕係D客係出手打人，換著係出面，要打咩都得!點打都仲可以冇限制，但係做緊野既時候，冇理由一枝警棍就車埋去，唔可以者隨時用!

呢兩個地方各有各好，逸雅苑地方簡單，睇落都算係好休閒既，我相信呢份工唔會辛苦得去邊!仲要既係夜更，Good!人流少，住戶唔算複雜，易控制!

上水廣場其實係難控制，因為廣場人多，我只係覺得難管理同控制，唔係一件易事!不過都好啦!如果係太古集團旗下既金鐘The Mall、太古城，咁就真慘到不得了，地方大而且人流極多，咁我就覺得事件唔係咁易可以解決，如果係朗豪坊更慘，朗豪坊樓層古怪，而且不規則!

不過不論好做定難做，最緊要就腳，唔好咁多麻煩野要我執手尾，準時返工，準時放工，最好你冇咩比我做，我可以好簡單咁就去巡下樓就算!另外既係，最重要工作環境，唔好好似GCS咁仆街，我被請入做野，我果頭做你就篤我背?搞撚錯!自己人都要打自己人!鴻利仲衰，有佢屌人你要收聲，個時我真係火都黎!好就好在公司都會慰勞下員工，得閒都有蛋撻食下。

有得吞撲就更好，因為一天工作流流長，作為一個員工，吞撲我係覺得有需要，講真係咁依都比個時間「充充電」，個時GCS真係離譜，我出去一陣抽根煙，又會比人咋型?即我覺得有時候做野唔應該計算一D雞毛蒜皮，換著我係老闆零願一個員工，佢累或者有需要，出去抽根煙，搞掂哂精神奕奕又回到當中做野，至少我覺得有足夠既慾望滿足，再做一D好表現，總好過慾望唔滿足，行屍走肉既做事，咁點會做得好呢?

當然吞撲唔包括訓教既，始終職責所在，講真咁樣比管頭見到係死硬!仲有既係失職有人爆格，真係訓左咩都唔知就仆街啦!

離開=leave，逃走=esape，雖然兩者都有遠離之前身處既地方，但係感覺很不一樣。

離開，你可以慢步而離，有足夠既準備，可能你有時收拾好你既行李，得到適當既安排，有計劃既，而且你可以放心步出家門，直達遠方。

逃走，你要緊急既離開，冇時間比你準備，可能你諗唔切係雖攞咩走，更冇時間安排同計劃，而且你可能帶住生命危險，為求自保。

我有朋友，女仔，家庭環境比我差得遠，阿爸基本上係個酒鬼，日飲夜醉，唉!經常都係帶醉回家，既然飲得咁多酒，酒能亂性，亦試過發狂打屋企人，當然佢都係首當其衝既受害人!咁醉酒阿爸，既然咁對佢屋企人，包括埋佢自己，咁搞法唔係辦法!

有時候，我見到d朋友既父母，有d真係好野蠻，根本係好似想隔絕子女同朋友之間既來往，我覺得係好離譜!講真，阿媽去同d同朋友打麻雀、阿爸去同朋友飲酒作樂，個仔或個女要留係屋企?好難理解wo?即係話呢個係存在左公平性既問題，試問叫父母唔比佢地出街，而自己出去飲酒作樂、麻雀照打、dee照挫、機鋪照去、唱k唱通頂....我敢講既係你父母到時人都悶到佢地癲，佢地唔爆門就假既。

最後呢我呢位朋友就已經作好計劃，離開呢個殘酷既屋企...同男友一齊住

咁逃走既亦係點呢?逃走既呢位人兄，其實都係家庭暴力影響，一次吵架，老豆打仔，好!佢真係逃走!我覺得佢走得好，第一係佢有stand by走既意識，每次係屋企都放定銀包、所需用品都係個袋仔，咁走個時，一執袋就走!亦試過蝦碌放少左銀包、或者手機，不過佢自然有計，肚餓去超市或者7-11解決(當然係偷啦)，冇通訊能力去機鋪或網吧搵人幫，講真都係一個原則，要走得快，千祈唔好望後，窮追狂打，唔好再話怕痕又怕痛，為自由就要戰勝心理!

雖然，逃走避得一時避唔到一世，但總好過遭到嚴重既傷害!為左保命，走係非走不可，講真係仲要活命!

我其實係好支持離開，講真大家咁既局面，咁薑硬抱持大家既態度，留底都係面左左，不如唔好哂時間。搬出去假使你有錢的話。