<p>向來我都唔多打波既我，今日我去左打網球，大家都可能覺得出奇，不過我唔係完全唔打波既，只不過我真係好少出去打波...</p>
<p>咁自steven，即係由我中三識去老友，佢係我既老友之餘仲係我鄰居同埋舊同學，咁我識佢咁耐其實都唔多見佢打波，講真佢平日都拼命讀書，都冇時間出去玩下，除左當年同佢拍住上係樂行之友做過幹事、主席、副主席，去行山玩得最多，其餘既都已經唔多....咁近來佢已經脫離左中學中六中七既折磨，大學總算彈性少少，咁佢而家總算有多d時間玩下，而佢最喜歡都係打網球。</p>
<p>打網球呢其實我真係唔多識，至終我好少玩球類活動，有時候就係覺得人為波追蹤，我覺得係好無聊，不過呢個世界好多野離唔開圓既定理，至少我今日身處於地球，用好多食好多都係圓既野，學既好多都係圓，所以我都係離唔開球體!</p>
<p>咁點解我會有咁突破性係同佢打網球呢，都係想從多角度去了解自己既反應同能力，當然波既速度係快，但人體使用武器可以比波既速率更可怕!</p>
<p>波係正圓，對比起刀，其實刀係可以快d，因為波快極都有圓既風阻，刀或者矛頭因為已經有基本流線型，所以呢世上風阻最低既係隋型同埋蛋型。</p>
<p>steven岩岩學打tennis，點解佢學呢?其實係因為喜歡睇網球比賽，加上興趣呢，咁佢終於都的起心肝，做返自己喜歡既事!當然啦!佢都有唔錯既體能，足以應付呢種運動。</p>
<p>我既控球真係強差人意，打波打到就圍亂飛，自問冇咩對波既感覺，唉!或者天份不在於此!不過總算係得到一個快樂既黃昏!</p>
<p>其實圓既野我係好弱，球類運動、數學既圓計算(即圓球體、圓....面積體積周徑...計算)，呼拉圈唔識轉，反而我對角、錐、尖刺、柱、方既感覺大d...</p>

今日既自己，感覺好似同一個迷失方向既人，我覺得自己唔知做緊咩?好想有競技既心情，或者向來有好多事都係唔如意，甚至既係得到好多既挫敗，講真我想建立返一個有唔消極既自己，有信心同有方向既人...

可能你會覺得我講d野好抽像，但其實可以用簡單d既方式講，我呢一刻唔開心，我好想尋求真正既快樂，另外係我覺得好無助，因為我覺得好多野都係要獨力面對，而自己唔識整，出現左唔知點處理既問題!

另外，我欠缺信心，我覺得自己面對好多挫敗，即覺得自己好多時都好失敗!都係唔開心，冇成功既喜悅感覺，我要既成功係想要有實質既獲得同埋有喜悅，但係我自己而家一冇是處，唉!何來有喜悅?

而家依然都係感覺失去方向，都唔知自己去向如何,,,直頭同失去理想冇咩分別，感覺同遊盪冇咩分別。

或者我應該自生自滅，由得我...我有好多心結，亦開始覺得生活已經失去意義，我想人世可以忘記自己，自己亦可以慢慢流失。

世上是一個失樂園，讓我慢慢從眼淚中成為消失!當我消失既時候，麻煩不要流下眼淚，我在世上貢獻不多，我不偉大，或者因我消失而喊...為我哭?你真傻...