點解係請繼續拍拖?而唔係拍拖咪拍拖呢?

香港有大概6成既少女家中父母都係有好多思想停滯，依然保持係60-70年代既思維，佢地會抱住以下既心態:

1. 女仔人家出咩街，一陣間有色狼就麻煩了，有危險叫屋企人擔心點算?(如果香港有咁多色狼，或者色狼一晚間有咁大需要，恐怕佢唔過60歲就已經馬上風，同時香港班差人做緊咩呢?佢地唔係要保護市民咩?)

2. 拍咩拖呀?一陣你比人搞大左個肚你就知死?(家下好多人都係咁樣失左身ga啦?真係搞大左個時唔通叫個女返大陸解決，危險!我覺得私下解決，雙方父母講掂數就算啦，結婚後補!)

3. 你試下出去拍拖，睇你洗唔洗返屋企?(兒童及青少年遊盪，佢地會比人帶返差館，而且父母係有罪，罪名係疏忽照顧，坐監的!)

4. 你行出屋半步，信唔信我打死你?(命就得一條，打唔打得死睇你用咩啦?不過虐打、虐待子女都已經夠坐監大半世，你自己衡量下?啦?)

5. 叫你讀書又唔讀，只係掛住拍拖(讀唔讀書唔係你決定，拍唔拍拖都唔係你揸主意，始終感情事都係人權，亦都係私人事，關你何干?)

以上5點，通常父母都係掛在嘴邊，如果你父母咁對你，你覺得應該點做?小羊般聽聽話，食就食，訓就訓?係屋企抱不平，沉默抗議?每次出街都用借口?還是考慮革命?

如果你選擇小羊以及抱不平，你大可以繼續做你既「乖仔」「乖女」，我只會覺得你地真係冇黎出色，強權底下同鵲鴣、懦夫、冇膽鬼...又有咩分別?

出街都係用借口?短計還可，長計唔得work wo?不過都算你有d小聰明!

革命當然係明智啦!人地問起你去邊，坦白說去街，拍唔拍拖免提，去邊呢?係咁依大約講下，唔好太仔細形容，幾時返?盡量唔好講實，比自己彈性少少，想玩耐d就盡報多d!

仲有既係拍拖唔好約男女朋友就附近等，萬一比家人追問就麻煩，始終我希望係和平下解決，而唔希望男友或女友發生被追問既環境，咁會令問題惡化!如果男友有車既，更好!佢係車等你，就應該被發現既問題可以大大減少!

拍拖都可以關乎於通訊上，家人總係覺得你電話多多，咩都唔做!呢個應該都唔洗多教，自己比錢交電話，不過就都係小心用啦!因為隨時爆分鐘要交好多錢電話，為左避免呢個情況發生，我地可以嘗試增值卡，爆咪冇得傾lor!但保障到你唔洗比電話公司係咁要你比錢!我明白學生何來有咁多錢?屋企出200一星期，有d可能under 200，邊到有咁多錢?所以盡量節省少少，利用網絡資源msn、email、yahoo messenger、打blog、skype....與其買電話貴一貴不如買notebook 啦!

Notebook而家平平地ASUS Eee PC有好多系列，亦有最新101，價錢係低價到不得了既3400蚊，好多學生都係掛住買電話換電腦賣舊機，其實整整下都夠錢買notebook，有notebook又唔洗同人share機，獨立行動!有wireless wi-fi上網，去到邊都好free啦!

講真，其實我都係過來人，我拍拖都曾經比屋企人反對，女友被對方家長拒絕外出，電話被沒收因爆分鐘太多，家中電話長煲電話都擲爆，經濟封鎖(好彩有存錢)

其實為左保障自己利益，應該有以下幾項應變:

1. 獨立的手提電話，不是由家人開設電話用戶戶口!開唔到台去7-11或OK解決。

2. 盡量使用網絡資源對話，減少個人開資。

3. 兩公婆盡量提供不同的聯絡方式，以減少感情間斷。(最好電話、msn、電郵、blog、住宅地址)

4. 小不免都唔好「煲粥」，電波對神經不好，而且電話費可算是很貴。

5. 增取機會外出，增進感情!

6, 電腦唔好留對話紀錄，有d父母真係會check你

7. 堅持信念

平時同我sd開sms既係阿琦，其實我覺得阿琦係一個幾好既女仔，雖則屋企都算係中產，有d財力，但就冇大姐牌氣同架子!我其實都幾鍾意佢，不論同佢msn定係sms，還是電話傾計，都係最開心!只可惜佢放唔底一個對佢好差既男友。

今日同佢傾起，講到係住邊到好，佢諗都唔洗諗係沙田，其實我都覺得係好，點解呢?分析下先:

1. 人口密度: 沙田人口密度大概係60萬，人口密度唔算話太多。

2. 經濟/商業活動: 主要商業都係零售業為主，都係沙田第一、二、三期新城市廣場、希爾頓中心、偉華廣場、好運中心、沙田中心之類。工業活動並非沙田市中心內，而係係火炭區，即坳背灣街、火炭村一帶，仲有石門區，其實係遠離住宅!至於第一生產行業，即農漁業其實係沙田真係少到冇。

3, 地勢: 沙田係好突別，有山、河、海混合，山有獅子山及九肚山、河有城門河、海有沙田海，獅子山及九肚有良好既樹木植被，空氣不錯。另外河能夠提供足夠的排污，以及有污水廠過濾，有足夠配套。海，能夠帶黎清涼既海風，亦是空氣流通度高!而且沙田處於群山之下的低點，山成為一個天然并風，外來的污染能夠自然阻隔。

4. 交通: 絕對有利，為於香港全城新界及九龍中間點，交通四通八達，東行西貢馬鞍山烏溪沙，南行獅隧出九龍，西行荃灣屯門葵青區，北行新界北區，基本上樣樣車都有!港鐵、大小巴、馬鐵都冇問題。

5. 住宅: 住宅上基本是由火炭銀禧中心作起點，到沙田市中心一帶，到大圍車公廟直去到石門終點!主要係屋邨為主，其餘係私人屋苑小村屋。

6. 社區設備: 講得出都有!音樂文化去大會堂，打波麻煩行到多幾步沙田公園，單車去河邊單車鋪租車。

7. 學校: 名校不少，好似蘇浙中學，不過某些學校略為近住宅一點!例如香港專業教育學院沙田分校正正係禾輋邨鄰邊。以及乙明、沙角、瀝源、愉翠，都是有學校，所以不愁子女上學路途遠。不過香港地方少，學校混雜住宅已經是無可避免。

8.治安: 其實都可以，球場少街童，區內亦少黑幫份子!

其實沙田都有弊點:

1. 樓價算是貴，由於條件有利，樓價亦會按正比例上升。

2. 假日人流較多，由於商場多，客易引來不少遊客!

3. 年青人娛樂略少，例如缺乏網吧、機鋪!

4. 火炭工業區交通經常容易滯塞，山區且路窄，有礙工業發展。

其實沙田區係優點多，缺點少，我都想有機會住沙田，因為我覺得真係方便!我都想有機會同阿琦距離更拉近既時候，達成佢既心願，更想可以發展到同居的地步。不過今日言之尚早!