今日我去左李健既centre做筆試訓練，咁感覺都幾好既!283題，衰左48題，基本上都係每20題，有16.9題係合格。其實我想個成績係好d，希望可以再做好d!
好啦!筆試題目玩過，考筆試信都攞埋!之後就要解決麻煩既時候...
向來阿塋都係帶黎好多麻煩野比我，佢今日叫我幫佢處理佢d罰抄，我開頭覺得呢d野應該係佢自己做，但係諗諗下，都係覺得咁耐冇見佢，睇下佢今次佢有d咩花樣搞?
自從佢搬左屋，由兆禧苑搬到湖景邨，其實都有好大不同，咁首先就係兆禧係一個好大型既居屋屋苑，其實同上水既彩蒲園不相伯仲，湖景邨係公共屋邨，仲要係井型屋邨，呢個係幾有特色!
講返正題，咁我就係完李健玩完後，我就已經過去屯門，蝴蝶就去得多，湖景真係未去過!我都係要左穿右插先至到!咁去到佢屋企，名塋仲著住校服，咁都幾得意既!不過我去到佢屋企，真係覺得唔實用既家居設計，大房即佢父母既房係門則，阿塋間房係近廁所及「騎樓」位，兩房之間係有個好細既位置比電視位，覺得好搞笑!仲有既阿瑩間房係爆細，好難了解到一家三口係屋既design點解會咁?
另外呢，本來上黎幫佢手，變左娛樂半日遊!佢無意中叫左一個叫輝輝既男友，呢個輝輝就黑黑實實，似係打波多!講大隻佢就嘛嘛!但有一個唔錯既面孔，至少望落去都有d親近感!唔會話嚇死個隻。總算有個似樣既人...
呢個輝輝就係阿塋貪佢小便宜既人，有免費午餐，即係幫手做功課，講真阿瑩把口真係乜野蜜糖都有，可以說服到一個男仔為佢打生打死，不過我見呢個情況，其實我好同情輝輝，因為佢真係一個好單純既少年，佢個d真係冇咩點用腦既人，比我更唔用腦，又冇咩主見，唉!
阿塋既為人係點，其實我又點會唔知?坦白講，佢有幾多次係真心?呢個真係備受質疑!
之後佢媽返黎，唉!出事啦!我係知道佢阿媽係好惡死!從眼神、面孔已經知道危機好大!
不過我唔會再係blog多講人地既壞事，始終篤背唔係咁好。不過亦都有d趣聞，咁我地三個由阿塋屋企落樓，去到一條馬路見到一個身子高高，而且樣子極其電車男既男子出現，我知道呢個係阿塋d「獵物」，輝輝當然仲係成碌葛咁!睇住個隻宅男同佢一齊有好多野傾，哈!佢真係太有趣了，行路跳跳下，嘩!winnie the poor既跳跳虎呀!真係膠到不得了...我同輝輝都笑左出黎!
之後阿塋又要輝貼錢買枝唔知咩筆，不過有得cam既，都好!唉!見到呢位小兄弟比一個化骨龍咁樣折磨，我覺得佢好可憐。
搞掂左枝筆，返到佢屋企已經遇上一個不祥預感，第一阿塋佢媽係一個幾巴辣既人，咁就仆街啦!因為向來佢阿媽都係有佢講冇你講，所以我已經係門口已經打算唔入，講真入去其實係製造好多不必既麻煩，本來諗住唔入，不過阿塋係咁hardsell我地入，唉!兩個男仔頂硬上，之後佢阿媽cam返錢比輝，之後阿塋唔太識趣，仲叫我同輝留下協助溫習，佢媽極度強裂反對，仲用報紙拍打瑩個頭。
最後阿塋既媽拉住我同輝既手，拉出門外，阿塋仲要死哀求，我地都冇能為力，之後由離開個下我見到阿塋被拖入屋，我心諗呢次仆街了，杖刑侍侯。
之後我返到屋企，食飯後打比阿輝，探討下個詳情，阿輝佢就話阿瑩無法聯絡，我知道阿塋佢阿媽一定利用好多封鎖，金錢封鎖、通訊封鎖、外出封鎖!
我覺得塋今次係太失策，如果佢放我地走，而且佢當初係老麥解決功課問題，咁我相信係佢唔會比阿媽打，甚至我同輝唔會比佢阿媽有所行動送客。我覺得係一個咁既環境，要迴避一下，明知有火上心頭既阿媽，仲有既係朋友在前，第一係無謂令朋友難堪，第二係無謂令阿媽太刺激，因為同佢頂撞，自己未係有能力反抗之下，唔好輕舉魯莽，要有反抗係應該有計劃進行大反擊。
輝係事後都同我反映過自己身處阿塋家中既真實情況，就不時有母女衝突，最可怕係輝自爆係有需要自行切退!更試過佢阿媽盤問既情況，我何嘗唔係，當初去到一個酒樓，而且我係非常驚愕，因為佢媽d語氣唔友善，相反佢老爹真係好nice!而且我係試過同阿塋去醫院探佢老豆病!佢對我既印象好好多。
惡媽媽vs好爸爸，生出一個反叛心強既女，係正比!因為媽對女嚴，想為女好，女不服，副作用係反叛!好爸爸作用不大，因出現惡媽，由媽支配左個局面，媽為家好，副作用係爸爸冇權冇勢，就算代表個女提出申訴，媽只會係有限度接納，或是完全無接納。即如下:
發生問題: 媽管女>嚴>女不服>反叛(到間接投訴)(到直接投訴)
間接投訴: 爸管女>鬆>女服>女喜歡爸>女向爸投訴>爸聽取意見>爸意見接納可能成功(問題解決)/爸否決/媽反對=投訴無門>女不服>反叛(到社工協助1)(到社工協助2)
直接投訴: 女向媽投訴>媽有限度聽取或完全不聽取>媽沒有將意見接納=投訴無門>女不服>反叛(到社工協助1)(到社工協助2)
社工協助1: 社工只同女傾談>社工沒有同父母傾談>女覺得未得到協助>反叛(學校規則)
社工協助2: 社工尋求雙方傾談>女覺得被眾人針對自己(人多蝦人少，大蝦細感覺)>反叛(學校規則)
學校規則: 女反叛>被處分>不滿意被處分>繼續反叛(返回發生問題)
其實問題重重覆覆，最大問題係阿媽對女太嚴，投訴求助無門，形成一個循環不息既衝突，其實加深問題發生。
|
