今日我選擇左夜晚係公園仔練習，不過出現左一d好唔尋常既情況。

凍都算啦!大風都算啦!都無阻我既練習，但係內心既恐懼先至係真!平時練動作，多數隻手帶住把刀去，今日唔係!把刀一握上手好似由佢飛出去咁。而且愈來愈快，我愈做愈驚....

好啦!休息幾分鐘，再做另一組，可怕事再加強!一做，極之大風，好似用左念力咁，令身邊既野改變左!但我心諗，我何來識念力?我冇渦輪增壓wo?亦冇食蕃薯爆氮氣(放屁)...何來咁大風?

d風係真好似睇準我咁，我一開始做，風就吹...

總之覺得今晚怪事好似突別多!我有點驚驚地!

呢排我既武術練習，非常密!經常紮馬，經常跑步，咁搞法個人真係散咁滯，大脾痛爆，膊頭好似拓完大石咁，背部好累!

今日重返D動作，唉!都係嘛嘛...

跑步，個人完全發唔到力咁，可能隻腳太痛了!

返到屋企，我已經頂唔順，打開左包虎標鎮痛藥布，一貼爽哂!個D什麼樂信止痛靈，頂!搓左同冇整係冇分別....

以後大家好累既時候，揸止痛靈真係唔多有用，虎標啦!