咁我尋晚開工，都係開心咁渡過!我去做個d postion都係跟坐(座頭副位)、頂位座正(座頭正位)、外圍(全屋苑指定路線打鐘位簽簿)、外巡(同外圍唔同，無指定路線，無須打鐘，要簽簿)，出奇地我唔洗掃樓(一座38層，4個鐘位，逢單或者逢雙數層，加天台一個及地下一個)，咁都幾好啦!

我其實幾喜歡呢一晚!因為轉變大d，冇咩麻煩野!坐座頭我亦都好開心，有時可以同d住戶係溝通下，講真呢一行又係要死剩把口，講真唔同客戶交流=冇朋友，有邊個想自己獨自成一個角?多個朋友=多一個照應!

同事個d基本上都識哂!講真都係玲姐、琼姐、蓮姐、珍姐、韓SIR(我阿頭，一粒花)、卡夫(都係我阿頭雙柴)、漢哥、徐大哥、阿鄭、鍾哥、馬仔哥，仲有我牛奶仔...

不過總頭當然唔係韓sir啦!係嚴生，嚴生係唔洗膊頭有章，而且佢只係日頭蒲頭就可以，日夜都睇哂!當然啦，夜晚佢唔係到，我地係多d位走下

平時大家可能去零食物語，買糖好多時都知咩叫牛奶妹同牛奶仔，咁呢隻糖當然好食啦!話哂都係日本明治既產品!

咁我點解會比同事叫牛奶仔?其實有得解既...我暫時係公司既保安員之中最後生既，因為我既同事，大多數都做得我老豆、阿媽、阿爺...咁對比起黎，佢地覺得我又幾得意既，所以就咁啦!

咁我係23至24呢個夜晚，我就拍住蓮姐行外圍，之後再拍珍姐守座頭同埋有時同琼姐一齊，咁都ok啦!總算係幾開心...

我亦都發覺公司其實真係幾好!工作環境上，有好多唔同既利處，講真OK便利店又近，有好多位可以抽下煙，有中場休息，外圍路線簡單，大廈內巡路線都係好簡單...

尋日韓sir休息，咁保安部最大粒自然變成鄧sir，冇阿頭係到自然係可以鬆好多，講真韓sir對員工都算係嚴謹，珍姐都講如果有阿頭係到，都唔係好敢咁睇書仔(因為員工指引入面，的確係唔比睇書、雜誌、報章...)，但阿頭唔係到，又唔會比cam拍到既，先至彈性地運用呢個好處!

不過到而家係break time，我覺得都係好難訓一陣，不過最辛苦係0500至0600個段時間，人又唔多，個人去到10個鐘既時間已經開始出現累，不過都係行下，飲下水咁...甚至有住戶出入，都係講下早晨...