我仲好記得我細個既時候，我媽係織左條頸巾比我同細佬，個時我好細，係幼稚園高班!而家呢條頸巾仔都仲有留起!
不過我就好少用頸巾，其一係自衛功能上有好多阻礙，細個時太純良啦!成日比同學扯校tie、扯頸巾...第二係香港天氣漸漸暖，講真香港仲有幾多年冬天?帶頸巾係熱!
之後我仲記得一位前女友，即係家怡...佢都整過頸巾，好開心架!講真人一世物一世，女朋友送呢種「溫暖牌」比自己，我好記得個晚我開心到訓唔著...
就快又年尾，唉!呢一年冇咩收鑊，2008亦都係我過得最差既一年，ive讀唔成，曾經冇工開，冇錢，返工返GCS冇心機返，搵唔到自己喜歡既工作，年尾先至見到有少少成效，總算今日有工開，有糧出!
事業有D小成，家庭我基本上都冇得打點，因為我返到屋企，通常屋企都冇人，我同我媽工作時間都12個鐘，不過相反時間，所以基本上我都係冇咩機會同屋企人相處!愛情上，都係未見有起色...
不過近排識到女仔既朋友，尋日岩岩識既，佢叫阿蝶...同佢相處落都幾好既!我都好開心!尋晚開工係咁同佢sms，同台嘛!好開心ar!
講起尋日開工，我都幾驚，因為我個邊11點幾12點個時有一陣濃味，咁我同我同事馬仔哥去左做searching，一路search一路都驚隨時身在火海!不過最後呢件事都係了解左原來係虛驚一場。
|
