咁尋晚返工，我要早一個鐘返，唉!開個d保安員大會，BS(即係大阿公嚴生)講左一大堆廢話之後，又回復一般既日子!不過呢一晚有好多令人煩惱既事!
第一係，玲姐經過尋晚開會之後，即時解除職務...理由係點我唔知，因為得大阿公、阿頭同埋玲姐知，不過我估都係玲姐向來都係工作上表現係我心目中係麻麻地!
1. 佢巡樓怕樓層住戶一d過左身既case，即係門口放了蠟燭(俗稱長明燈，引領先人歸來)，呢d case就表面睇好似好可怕!其實放開去咪無咩事囉!講真你冇做d咩虧心事，又怕咩呢?
2. 巡樓要同事幫佢掃位，包括我在內!
3. 工作上好多時都係hea hea下既!(甚至有同事係篤爆佢係什物房大教訓)
大教訓固然係唔岩，警察查牌時發現係吊銷牌照，巡樓又怕咩怕咩，公司指引係不退縮!咁好明顯係公司立場睇係未達標，咁縮沙?點睇場ar?
最後玲姐離開公司時，明顯是內心有不好既感覺，我都廢事同佢傾計...算啦!東家唔打打西家，雖然大公司會容易炒人!不過要咁諗，有屋邨或大廈，就一定有保安員!有牌既，又洗鬼怕去勞工署等運到咩?況且玲姐屋企都總算放下擔子，個仔仲大過我既!係時候係屋企退休嘆下咪仲好?
另外一件煩惱事，動物先生同樂器阿姐(唔透露邊個啦!)尋晚就處理一件住客信箱忘記攞鎖絲!正當樂器阿姐打電話同阿頭講既時候，阿頭叫落動物先生去follow上樓，但係當樂器小姐見狀卻自行去上樓，問題出現啦!第一係冇按阿頭指示做野，係不服從指令(都算係大罪)。第二，重要物件(鎖匙)突然不亦而飛，因為動物先生係要處理其他客戶需要。懷疑被其他人拿去!第三報警!搞到我d更表換左好多!最後第四，公司可能要揹起陪上責任!
唉!咩都亂哂大龍!
|
