尋日去完飲，其實返到屋企已經好累，始終訓又唔夠，但個人內心其實真係好想訓，但又好想去玩!
講起開工就真係仆街啦!尋晚訓訓下突然老大韓生打比我，開頭第一次我cut左佢線，眼訓嘛!有關人等都cut!之後諗諗下，唉!仆街啦!諗起阿頭會係遲個時吹雞，咁我知道阿頭係對我咁好，冇理由要佢失望，咁最後就以自己最快既能力跑到公司，開頭我以為死啦!肯定比阿頭話，反而阿頭冇話我，仲話:「呢一行其實係好彈性，所以今次遲左d唔好太驚，最緊要做野慢慢黎唔好急!」
聽完呢句說話，阿頭仲話:「肚餓既食d野先啦!更表可以改，但係人係活既，去啦!買d水呀!」呢d阿頭真係好!我從來都未試過一個阿頭對自己咁好!講真以前d阿頭肯定都會咋下型，唔高興既樣子!
尋日既工作都係濕淋淋，落下雨粉、好大霧、地下好濕著皮鞋既自己好怕打鐘既時候仆街，不過自己紮馬既能力都對自己有信心既!
基本上，我訓教係平時黎講係好少，因為我以前返工係好少訓，但係尋日鍾叔教我，有時候唔訓係唔得，與其要釣魚，不如訓一訓!岩既!其實我一直都係擔心訓既同時有白車或者差佬既問題，但係每次我都冇事，都算係奇蹟!
尋日我頂座頭，有壤升降機既事故，其實我係第一次正式自己處理事故，寫report、call師傅都係一手一腳自便!
自從返呢份工，覺得自己比以前獨立左，或者我係工作上較多時間都係自己一個，我開始明白sky既個人突破理論，以前我只會覺得工作係要團體合作先至好，今日既自己可以獨立，我都好想有sky佢既思想，萬人敵而係戰事上「過水無痕」...
武術上，其實自己本身都好想係團體上有新人加入，會名終於都有啦!叫「傲龍」...我覺得幾好!不過而家會中主要都係4個，我希望係可以有新朋友加入，因為人太少，好似冇咩可以發到圍!
不如咁啦!如果有興趣想加入一齊學下野既，係呢到留下cm!又或者打電話比我，51339471，我用人仔台既!咁你其實隨時都可以搵我既!
武術大把人學，但係戰場上既戰鬥又有幾多明白?唔好再同一般人咁短淺既見識!武術只會係戰場用，唔係娛樂觀眾!我好想香港人明白呢一點!
|
