自從返左呢份保安，我覺得每日都過得快樂!咁講真我覺得呢份工，係自己岩既環境，做喜歡做既事，當然是一個好事!晚上既工作，寧靜既環境，仲有一班有趣既青年人!
講下呢班年青人，其實就都係一班冇所事事，但又成日係嘉福嘉盛一帶蒲...基本上晚晚保安室都收call，晚晚都要處理佢地夜晚玩得嘈既問題，不過其實佢地都係一班可憐既人，男仔多數都係外出工作，大致都係運動店多，夜收工自然夜回家!不過肯工作都算係唔錯!
近排識到幾位同我差不多年紀既年青人，例如好似孔仔、阿彤、訓仔...三個來自同一個地方，但有唔同既故事!
孔仔份人幾有趣既，成日講佢工作上既趣事，咁我都覺得佢係有福氣，同一班同一個老大既兄弟係一間某三文治公司餐廳打工，不過我覺得江湖事，實在唔係佢做既，始終佢份人係幽默型，佢做推銷、棟篤笑、言語上既工作會比較好!無奈佢哥係一個小混混，變相細佬跟住上。
阿彤，係幾靚女，亦有一個特點，佢亦都係喜歡沙灘褲(夏威兒花)，而家冬天都係著住!其實我都係一個喜歡呢種夏威兒花褲既人!佢份人唔多出聲，不過佢笑既時候真係有美感!佢仲有一個朋友，都係女仔黎既，不過好細粒!細細粒係好可愛，佢地兩個都覺得我係一個有趣味性既保安員，咁係既!成邨都係阿叔阿姐，突然間有個咁後生既黎左，年紀又夾!咁自然容易相處!
訓仔其實係工作上最辛苦，因為佢係做IT人既，係電話電腦PDA之類既，我都有同感既係，我也曾係一個電話既師傅仔，唉!天天工作，天天有做冇休，工作困難，人工唔多...唉!呢d工用腦又用力，我就冇呢d咁既閒情去面對同解決，打份工都係為求安安樂樂!
女仔來來去去都係阿彤同細細粒，細細粒其實最壞，都係食埋d唔三唔四既野(心照啦!)，見佢面青青都知咩一回事，其實佢本質唔差，不過係跟埋班男仔一齊食，有時候我覺得如果佢唔係係呢樣野沉迷，或者佢有更好既日子!
有時我覺得住戶冇去理解過呢班後生，其實佢地同一般人一樣，每日都係努力工作，只係佢地好想玩，但係收工既時候已經係大家熟睡既時候!講真佢地玩既時候其實都係想獲得一種開心!不過開心背後，其實佢地都係離唔開人心目中既壞，夜歸、唔讀書、冇做野、玩天光叫壞...我反對!
|
