今日夜晚去左青衣打邊爐，ok既!好食!不過個大腸就真係差d，我就無咩所謂!不過sky就食到有d不爽，咁大腸就有d臭味，不過今次打邊爐既大腸難免有d臭過龍，唔係變壞發臭既，而係豬屎味，唉!算...吸收教訓!
今次打邊爐就有6個(計埋自己)，咁都算係幾開心啦!有得傾下計，搞下gag!
最好玩既係我地成班玩terry，之後係留佢一個係到!再sms比佢話閃先，我地上返去個條友仔係到笑!的確又幾抵死既!我可以咁講既係，terry份人做正經野佢真係冇咩效率同可靠性，無奈地佢係玩得，又唔係小器個類人，咁都算係幾好啦!
玩完一次，sky話唔多夠喉再黎多一次，今次扮成班人走數，其實我地係去廁所，咁又幾好笑既，其他台d人都見點解成台d人閃哂既?
有時候我都覺得一齊玩係幾開心，我好耐冇試過咁，講真以前返工，邊有呢d空閒時間?飲食行業朝12晚12，電話9至5!咁我覺得其實係呢d日間工作，係少左好多機會玩!夜晚唔同，夜晚因為大部分人都係訓左，而且改變左生活習慣，我覺得日頭既工作要有好多顧慮，例如玩得夜唔知醒返工，返工迫車迫人，朝早起身好累，冇提起精神做野又比人屌!我覺得好難接受既事，講真打返工，要挨咁多野，好吃力!
而家我返工，輕鬆、冇咩壓力、開心、唔會有返工唔知醒遲到問題，咁幾好!最重要工作穩定，唔洗太擔心公司裁員...仲有既係我只係想做一d簡單既工作，sales可能sale成日都係食白果，公司文職又會太多野做同諗野，運輸要做好長時間!講真做保安，得閒吹下水睇下位，又一日，人工都ok!
今日走個時已經夜晚差不多12點，我同旦丁一齊係青衣入旺角再上小巴，不過問題出現啦!我地係上錯了小巴，係純粹入上水!之後我而家就帶左旦丁係我屋企訓，咁樣都算係咁啦!講真大埔返屋企都有d問題，因為唔係咁多地方都有呢個地點!
咁講下其他野啦!其實呢我係呢一刻都係覺得好需要身邊有個伴，我指係女友，但係呢都成年啦!到而家都冇，唉!而家只係得返阿塋仲會理我，講真阿芯、阿儀、青蛙仲有冇話好多時有來往?其實真係冇咩，最多理我既，就係阿塋，點講呢?我覺得同埋深信，佢依然都仲係等緊，唉!當初係我負左佢，將佢作為一個水泡!有時候自己真係衰仔左，或者我都想有一個機會比自己有一個時間，去重新維繫呢段感情，始終我覺得以前太浪費，一個唔差既女仔，自己卻係從來冇珍惜過... |
