尋晚，的確又係一個凍到發傻既夜晚，我依舊係做一個頂位既位置!咁我又冇咩所謂既，講真份工做得開心，做咩位置、崗位、任務...又有咩所謂，我只係覺得我有一個好好人既阿頭，不過d同事就唔係太好啦!
點解我會咁講呢?同事之間好多勾心鬥角...想邊個邊個走，又諸多要求!講真我睇落係唔多高興，講真十二個鐘既返工，來來去去都係7個、8個、9個...有咩好鬥?
不過有麻煩友就真既，好簡單珍姐係一個大麻煩人!經常性借尿頓...我每次同佢頂位，有遲冇早，我例行好準時岩岩好，咁搞法大家都冇好處姐?點講呢?抱住自己係最佳保安員得獎人士係到又點點點...廁所又多、又遲、又係到少少野鬼咁多理論...屌!最乞兒就係佢巡樓，成日都係到磨時間，搞到我經常delay去下一場!
對比第二個姐，係蓮姐!人地身子弱，同樣腳又有舊患!佢慢得黎真係盡量爭取快一點!即係點樣龜法都好...都係積極去處理!我好佩服蓮姐!
黎緊今晚我坐正座頭，係嘉明閣!咁任務比頂位簡單，即係坐係到睇場，巡樓1線同2線(點行我係唔可以講，因為係管理機密)，仲有既係MB(Middle break，中場休息)，咁我覺得都好既!
黎緊我有正式職員證，咁我都好開心!簡單d黎講，公司認同左我既工作能力!簡單d黎講，我係公司又冇咩違反公司章則!仲有既係，犯錯都係小錯，例如打失鐘(缺巡)不過有時都係機件有error既可能性!
咁講下其他野啦!下下講返工真係怕悶親人!咁我今朝收左工之後，其實係好肚餓!咁我返上水食，順路打下紅簿仔(成年冇打過)，都唔係好多，家下先得個$9xxx，少得可憐!不過好快又一個月架啦!到時足之都過萬，其實我做咁耐人到家下先至有自己既第一個5位數字，似乎真係慢左d!
冇計啦!我最大洗既時候係我中學時期，同朋友去玩，打wargame都洗左唔少(貴夾唔抵玩)!而且個時有拖拍，洗係女友到都用左唔少!不過我覺得最唔抵既，係去左califonia fitness，冇用!真係洗得最唔抵!不過算啦!有d野唔試過都唔知咩叫「流料」，教練教個d野根本係強行去谷，咁講法係唔work lor!如果係咁，香港及世界各地既califonia fitness都出好多「田雞」(「田雞」=爆根大隻佬)
不過遲d又可能洗一筆，遲d可能同sky同terry去大陸!希望個時洗呢筆錢洗得抵啦!不過大前題真係要面對車牌，始終都係一個難搞既事項，唉!最灰係天光道!
講返今朝既事，打簿之後去左食早餐，唉!新發茶餐廳真係嘛嘛地!我叫左一個沙嗲牛通跟煙肉旦加T(睇唔明都正常，呢個係飲食業既落單時既代號，即沙嗲牛肉通粉跟煙肉蛋牛油餐包，T是熱奶茶)，點解唔得呢?個奶茶唔滑、冇茶味，仲要個師傅係一味用奶cover自己既失敗，唉!好失望!沙嗲冇味，唔辣，就算怕客話辣過頭，至少打少少黑椒...通粉都唔得，煮得唔太夠時間，未完全發起就上碗!完全冇口感...我整都好過佢!最冇水準係冇做過冷河!沙嗲牛通真係沙嗲牛通，什豆都節省!冇賣相，太求其!煙肉非常可怕，d油多到成碟都係，我心諗既就係扒爐用油太多，梗係啦!怕鏟爐辛苦(的確係鏟到發癲)!但油多成咁，太唔合理!
之後好唔高興食完個唔好食既早餐!去左打灣岸!冇意中見到marco，佢手車比以前水左!都唔知佢玩咩?
|
