尋晚開工真係荷蘭凍ga!風大，吹到個人好辛苦...唉!呢樣野都唔係煩，最煩都係對住珍姐，佢鑊撚鑊都係我朝早巡邏個時，係要去廁所我頂位，講真佢去咩廁所呀!吞撲吹水打牙交，所以我唔係幾喜歡呢個阿姐同事...
之後巡巡下，見到細細粒(原來佢叫阿bee)，同埋佢個兩個fd係幼稚園出面，阿bee叫我:「軒哥」，我回應佢:「乖」佢個兩個fd笑到飛起，其實我覺得佢地都幾得意，只係佢地冇所事事個下令人感覺討厭，其實如果佢地肯做一d事，我覺得佢地都應該有一番作為既。
有時，我覺得佢地一班人，其實都係有趣既，不過佢地係社會上得唔到接納，先至會搞成咁!唉!講真如果有一個地方容納到佢地，有工作，令佢地有錢，其實都唔洗係屋企無所事事...
其實我都覺得佢地比自己好，至少佢地既生活總係過住一群人，一個團體性，有男又有女，其實都幾開心呀!而家回望下自己，我覺得好孤獨，我有時都想識一D自己喜歡既作象，不過我覺得好似冇咩作為，傾兩傾就已經消失左咁，唉!我對自己既感情事己經冇咩太大期望，不過我依然會等，直到一個自己喜歡的人出現為止!

阿彤其實仲有個家姐，叫阿WING，阿wing佢就唔及阿彤靚，呢d就係同人唔同命，我覺得人美聲好加埋一d才華，咁就有真正既一帆風順，至少人地有得到尊重，喜歡...相反地，樣唔得既人，可能會得到一生人既譏笑同排斥，我覺得係人生之中很慘的事..

尋晚開工，我阿頭set我去做座頭，都算好既!反正我真係練習完有點累，坐下休息下咁就唔錯啦!

尋晚既工作一d都唔簡單，首先就有個老人家唔舒服call白車，之後再黎唔知咩事既，就係奇怪地出現警察、消防救護員、st john既人1同時係個單位入面，就帶走左個男人!家人跟住佢尾...或者呢d就係家庭紛爭!搞到是旦一齊又話死又話要自尋短見，講真係死就真係快點死，有時候呢d野好浪費人力物力!死左最多就係幫手執屍...

咁尋晚班嘩鬼又蒲頭，明明我姓張，佢地叫我姓陳，搞錯?之後球場班友仔又單車又鬼叫咁，無奈我都要同阿頭講!不過佢地的確幾玩得既，講真一個屋邨冇呢d人呢，咁就真係唔多正常，同時間呢，我都係會覺得佢地可能面對既處境可能比一般人更慘，例如係屋企既問題，間接形成左佢地成為左街童或者隱青既局面!

另外巡樓時發現左一個好靚既女仔，如果可能將距離打近左，咁我覺得有呢個女仔做女友，我覺得係so good!