今日我係6點已經起左身，唉!講真我根本都訓唔到咩，講真平時夜晚係做野既時間，邊會有訓既時候!
咁既然都醒左，都冇謂再訓啦!不如去做下運動，順路去練習!咁其實呢考期都就快到啦!都係時候要開聖誕快車!
咁我好快就已經攻頂，不過我就因為揹住一個長袋，所以有好多人望住我!揹住長袋行山其實唔係感覺太好，因為袋尾好多時都頂腳，不過為左練習都要犧牲一下。
咁好啦!去到長命斜樓梯，d師拉團個個都係好慢咁行，我覺得佢地成日又要運動，但又要休息，咁樣好矛盾，因為愈行得慢，愈冇動力完成，咁不如唔好行，係屋企繼續玩接龍、睇電視!
好啦!咁我落山個時正想搵個好位置去練習，不過人的確太多了，圓型地有太極團，無奈!去到方型地(同青衣綠地相似)，咁我練個時發現左一個大叔教個師拉六通拳，我對六通拳冇咩認識，不過我知道係少林拳既一種，武術係南拳北腿，但係少林係相反，係北拳南腿!不過六通拳呢家野係南北少林都有，而且以我所知好似小和尚5歲到都已經要學!
不過呢位大叔佢已經唔多紮實個馬，我原諒呢位大叔既年紀已經老啦!65歲，仲紮得咁低已經好好啦!不過佢做d套路已經冇哂勁，因為我見就係應帶勁變左無力(老人家發唔到力)，柔既地方變得好生硬(骨頭緊)，所以睇完都係覺得好慨嘆佢學得太遲!
之後有位太極既女師傅，不過我覺得佢既帶領唔專業，或者就係社區中心帶下阿婆阿伯玩下，隊形冇無勢鬆散既，班師拉好求其咁做!不過算啦!有其師傅必有呢堆弟子，亦都好好彩既係自己有一位好好既帶領訓練者!
呢位女師傅，咁佢就覺得我唔夠氣，佢唔知我行座成坐山行到過黎!咁梗係會索氣啦!另外既係呢個師傅亦唔知我運用既兵器有咁重，香港人玩黎玩去都係輕到死既太極刀劍，邊有我用既咁重...最抵死既係佢居然質疑我紮斜馬坐身時扭直腳，佢話咁樣唔好!我心諗你見識淺我唔怪你，最斃係你係質疑我既能力同質素，係有用先咁做，唔通廢既咩?不過佢有一班弟子係到，無謂係到又踩佢又潤佢，咁好唔尊重人地既，無謂同佢地一般見識啦!只後我練習完都係閃啦!
呢位太極師傅，我覺得傾計都仲可以既，不過質素欠佳，紮馬未符合水準認可，如果我係做一個trainer要做test，我一定肥硬佢，馬唔夠紮實、高度過高、曲身(即彎腰駝背)、無勁(剛柔不分)...佢出黎表演既，我諗我真係無奈，班師弟仲話係師傅教野好好，umm...有d保留...
同樣係我一出刀練習時，d師拉阿叔都嚇壞咁，咁的確我把刀係有令人不安既感覺，d人見到都係避開居多，反而我出柺個反應好好多，或者柺冇刀又冇勾，即個d係令人怕既尖銳感覺!
今日非正式練習，我冇著上身既團隊制服，不過我著功夫褲已經令好多人又係避之則吉咁，或者呢座山仲係好少人有學武術!但係如果真係開發左，我覺得係好震撼既事，因為我覺得會令好多師拉吃驚! |
