向來「醫」都是比一個醫護行業用，即是西醫、中醫、跌打醫師之類，不過今次我諗要用係升降機師傅...
呢一晚，我都係開工，不過個時就處理緊外圍打鐘既職務，本來呢轉鐘係好簡單既事，不過呢個師傅就帶黎好大既麻煩!
件事就咁既，當我巡邏去到嘉耀閣個時，突然間見到大堂起哂黃欄係個笠到，咁我例行睇下咩事，咁個時我同事敏叔係到，咁佢就話比我知部笠岩岩拋錨，師傅就係裡頭整緊...咁我都已經知嘉盛苑既笠24部都已經係年紀都有返咁上下!係座頭同敏叔傾兩嘴之際，突然間有笠鐘響，咁我就諗...同一座連環拋錨...咁大鑊?
根據我係12月時做野時，曾經係嘉輝閣發生過「雙笠死」既麻煩...只係好好彩唔係同段層數同時間死，否則非常災難!
咁好啦!我睇CCTV(閉路)，一望之下我真係想笑，原來係笠師傅能醫不自醫，係整算其間自困，之後我就同佢係笠對講機問候下佢，佢就叫我地保安幫佢吹雞叫佢d老友幫拖，咁我地啦啦聲打比佢d同事!
之後再問問佢笠內情況，好彩唔係完全down左機，有光、有空調抽氣，而且係層數低，基本上係唔會死人，除非個笠機頭起火起煙燒死或焗死!
再後黎我阿頭都到左，睇下咩料子!我阿頭都一面無奈，佢就話:「單挑真係好挨煙!有咩事起上黎都好麻煩」的確d師傅好多時都係獨力面對困難，其實我都會擔心佢地既維修工作，講真我都覺得太危險...
最後到我收工都未見整好...呢間通力真係好廢...成日都整唔好d笠
講下其他野，尋日我係msn足之問到一個好耐都機會同佢傾下計既女仔網友...細man!細man佢其實重演左我當時對青蛙既情況，一氣之下男友打左佢一巴!諗起其實都好唔開心，因為當初自己落手都重手，唉!雖然事隔都成年幾既事，但我依然都係放唔低，點解當初會做左d咁既事!
之後開工時同佢傾左都好幾句sms，都幾開心啦!不過會唔會有進展，冇!人地嫌小弟老都冇計!
雖則係公司睇到一d某公司既免費日報既星座話，生肖係龍既人會係工作、感情今年有好機會，唉!講就咁講姐，但係望望日曆都就快新年都唔見自己身邊有咩起色，我唔知係我感覺有問題，還是時間未到，希望今年唔好再乾等...
2008年既自己，霉到不得了，冇女友(尋找對象TOTAL LOSS)、放棄學業、自己係鴻利唔撈(呻笨)、係GCS比波叔叮走(很差勁既公司，早走早著)...總算今日2009年將快既新年，希望正如報紙所講既GOOD NEWS!
|
