尋晚，開工好大雨，咁當然係雨濕地滑，咁岩尋日同架車改多三野，我加左星鈴、腳托、火箭通!咁我而家都幾滿意，因為我有一架自己既淑女!
以前返工，係鴻利飛就話公司車冇得改，而家有得改，而且zeta廠係車身經過調整，比例比以前更好!
我改呢架淑女既立場，咁就唔用大籃，因為想減低風阻，有籃固然係有阻力，但如果淑女唔裝呢會有較大機會出現起頭起步...咁我覺係安全性層面係唔好，經常起步起頭，車頭軸會因為經常震動既衝擊會爆芯，我之前就係因為咁爆左一枝...
另外，唔裝tranmission(轉波)，淑女改轉波，唔洗諗都知架車係動力上有提升，但係會破壞左淑女既風味!另外，淑女唔同子彈，子彈改有冇tranmission都冇所謂(冇上波既子彈係經典)，因為子彈天生一個特色就係細細架車，但可以做出高動力!不過子彈如果過於輕量化，過快時係會解體!何況係淑女，講真子彈仔可能係mitsubishi evolution8(露筍8)，淑女可能只係honda jazz HE或者Honda accord(雅閣)，咁大對比既車，淑女仲要裝tranmission?
高動力、車身輕、有重心，高動力就裝大餅(唔裝波餅)，車身輕就唔裝大包圍(最忌子彈大包圍)，重心係依賴火箭通壓後輪，再用座巴通改輕及改變使用者係淑女既坐法(點搞唔講)...最後就係感覺!
花巧野，好似燈光效果，其實我有諗過，不過我覺得呢層有d難，因為我架車仔係擺街多，咁就如果改太靚，肯定比人偷左...雖然有個12v粉電可以拉平架車既重量分佈，但係整燈係好需要成本同時間整理，而且面對係擺街既局限，咁就真係要諗諗...至於音響，絕對唔裝...
淑女講完，咁係工作上都係平平，唉!分手後好多時都集中唔到精神做野，好分心...唉!呢次打擊真係對我太大，好想阿寶真係可以回心轉意... |
