尋日我放工之後一直都冇訓，同老婆出去整車，唉!個嚿咁既野，60蚊，真係爆得唔抵...
之後直落天水圍搵老婆既契家姐...契家姐係早前沙田睇戲(乜都得先生)已經見過，覺得佢都幾好笑，不過真係唔經大腦，唔係我理想既女仔，而且比我一種感覺佢唔多識著衫，佢係好橫既，但唔係話肥個種。
化妝一般，但係我知道佢一定唔可以化得濃，否則好挨煙...衣著，挺大膽行性感style，不過同佢唔多夾，因為佢既人比較圓潤，咁會顯得佢比較浮腫。儀態食蛋既，kai到係唔想出聲...
尋日去到銀城，打左鋪灣岸，老婆同家姐都叫我夾人地車，佢地都唔知我玩既風格係點...我都唔多想夾人既!佢地就係咁叫我夾...battle gear先比人陰左，唔係6格波，係擦膠波，搞到我起波亂哂大龍，簡單講唔習慣!
之後老婆玩個d，我全部都唔喜歡玩...因為個d game我完全冇玩過...
奇幻逆緣，的確係幾好睇，畢比特既演技的確唔錯，老婆唔大多識欣賞，或者佢比較喜歡港產片，不過我都好耐冇睇港產，對上一次睇港產已經係十分愛，可想而知，我唔多睇港產...
係戲院入面都係玩爆谷，傻家姐係咁塞我食，老婆或者係比家姐塞到飽哂...
睇完戲，我同老婆去陪傻家姐去睇孖煙通，佢想幫條仔買，唉!我唔明孖煙通有咩好著，我係著過，但係feeling總係唔及三角形好!而且孖煙通我覺得唔方便練功紮馬...
見到呢個姐夫，我一睇就知又係索k既，滾友，一諗到呢個傻家姐，我覺得佢好陰公，個日係沙田完來為左條旦散喊到口水鼻涕齊齊流...我一聽到佢講野，見到我同我老婆，招呼都冇好大排囉!呢d就真係索k索到onon99啦!明當我同老婆冇係到，之後講野又多骨到死...我個一刻我好想拍台走，講真我係好嬲，個晚陪呢個半邊屋企人咁耐，完來係條粉腸咁!講到自己點點點咁，比人打到嘔電都抵!不過我忍，我比面呢個契家姐，不過老婆呢就實際行動，即閃!
其實我一路坐既時候，我係用d眼神試呢條仔，大話連篇、閃避、充炮艇...有馬刀係手，我真係想破開佢5/5，根本呢d仔同個冇文化既野人有咩分別，無所事事，混沌既生活，大佬格咁既樣(註明係充作)，呢個社會就係養左呢d咁既廢人...食k食死佢算啦!
|
