岩岩前日我係夜晚既時間返工時有d好突然其來既意外，我人身就冇事，不過架淑女就真係出事!
淑女係我返工路途中出現狀況，首先就運轉期間有啪啪聲，之後就甩鏈，最恐怖既係鏈jam鈴jam架，後輪鎖死打死，當時天雨微量，我有打滑情況，好彩我個時係一個比較乾，但係弊點有「神主牌」(解:政府係單車徑避免單車使用者相撞，以及提供指示的器材)，好彩冇撞埋去!
呢個亦都係我係李健學車鄭師傅教既「思前想後」，思前:望前(遠、近、遠)，望鏡(車內倒後鏡、左右兩邊則鏡)都係好基本既野，想後:其實係一個好深遠既意思，例如想一想一個動作引黎既後果!
以上師傅講既野，呢一晚變得好實在!
咁我昨天早上係聯和墟渡過一個早上，係老麥食早餐見到林偉熙，佢係我中一時第一個認識既同學仔...不過我覺得佢亦都係一個一事無成既傻人，都唔細架啦...仲做老麥，正經找一份似樣既工吧!
無意中，我食完野，出去睇住自己架車，抽抽下煙!有兩個警察逗我身份證，佢見到我單車有張「上水警察宿舍」既單車證，佢地以為我係同事，其實我只係一個差仔!咁我比佢地做左d工事先，比佢地問下問題，又交流下工作上既喜樂(因為警察同保安既工作極為相似)
咁我拖左架車去標準整，點解唔去山車呢?因為我信唔過四眼仔既手勢，太過求其!好多車人都覺得山車堂好，但係山車堂只係器材好，技術略為欠缺，不過比潤記好，無可否認潤記好多野都好平，但手工的確係太過速度化同急進，用左好多short cut，之後標進肥仔見到我架車咁比佢地裝，覺得無奈，而且個飛輪比師傅整到好難甩，肥仔整唔到，到老闆整!
我最後搞到成1點，700蚊找數!前後波，不過我覺得架野唔夠動力係直路，不過係轉彎真係快得可怕，但咁樣係唔平衡，因為轉數高既關係會令腳受傷既機會大增!另外直路未能加速有足夠動力，我覺得架車係drift車，唔係racing...drift車係呢個case係好好玩，高轉、車夠重、重心後移化...不過問題係呢架車唔係bmx!因為淑女欠缺靈活!
其實我係想架車高速化，即係個格係S-TYPE車，比人一種係跑味!而家drift又drift唔哂，波餅只能用細小型(大個d淑女不合適)咁只可以講呢架係一架好大扭力既車，以真車為例呢架大概係nissan sunny、toyota jazz、voltwagan golf既例子，低速高轉靈活型，其實我係想架車可以去到有NISSAN NSX-R或SKYLINE GTR34既感覺，高匹大馬力而無損扭力既重要性，重心足料而且夠流線感...呢個就係理想既跑街車...
我諗只好去改返52齒大餅拖7波飛輪... |
