嘉欣...呢個朋友由我icq既時間已經識左，曾經我都有喜歡佢既...不過佢一直都冇接受，只嘆息自已一直都冇把機會去追...又或者自己未有同佢一齊既緣份...

嘉欣:

我同你已經好多時間冇見，近來好嗎?

那天有幸在icq識你，我覺得好開心，只係我想同你進一步相處，由朋友變為男女朋友，只可惜你一直都是拒絕，唉!其實我覺得你會是一個很好的女孩子...

對你的認識不多...對你面孔印象卻是很深，感覺親切、和藹、容易接近....

若有一個機會，我會再說:「我想同你一齊!」

有時候，人有三衰六旺，呢個真係冇錯...近排發覺開支大左...睇黎真係要睇緊多點荷包做人!

前日，一位同事突然之間既離職，導致到嘉盛夜更成team又少咁個人...我覺得呢位同事，其實做野真係唔錯...不過佢要走都有佢既原因，算啦!騎牛搵馬，條條大路通羅馬!

咁我個時收到呢個同事離職消息，我覺得係好突然，而且我個時係另一個site...一諗到少咁個人，即係要頂硬上返嘉盛!一諗到返嘉盛，我覺得幾開心架，因為我返去一個熟識既環境...人多d，fan屎又多d!

不過架單車仔就慘了，個晚放係嘉盛，唉!朝早有d雀仔整好多「厚禮」...搞到我係咁洗車!悲...

今日同小寶去左明記食個腸粉早餐，之後佢話搵肥老闆，咪同佢去睇下野lor!咁我見到黃色既「風令」，的確呢種令係抗風阻，但係價錢真係要睇睇荷包，始終屋企準備有一大筆開支要處理，咁冇計啦!儲多點錢，I will be back!

去到標準...又見到我喜愛的令...仲有紅、黃、黑三色，唔錯!

之後又係sad time，其實我同小寶都係好多sad既野，講起呢d野，我見到佢眼邊好似想泛起淚光...咁我有見及此，都係唔講落去...

唉!人世間失落，總是麻煩多多...