我有兩個妹...一個係miki，另一個係tiffany，其實兩個都好乖，冇咩野需要我擔心!咁今次點解話有呢個「沒有寄出的那封信」既主題關於佢地呢?其實作為哥既自己，基本上都冇咩機會同到佢地講野，因為我返夜晚，佢地多數online既時間都係夜晚，日頭佢地都係返學，電話...邊有咁多時間傾?唔洗做野咩?
信黎啦...
miki同埋tiffany:
哥好耐冇同過你地傾下計，所以今日呢封信想比你地兩個傻妹...哥知道你地好乖，冇咩要哥擔心!不過呢哥其實係咁耐都冇搵你地，真係唔好意思...
首先miki先啦!近排仲有冇去跑長跑呀?或者仲有冇去打下波咁呢?哥知道你係一個運動健將，不過都唔好因讀書而忘記自己既理想，我知道你肯花多d時間訓練，未來應該會係香港體壇上會有一番成就，哥一萬個support!
另外呢，讀書方面辛苦嘛?我知道你已經進入左中四，呢個關口曾經哥係中四既時候都有放棄，因為哥掛住玩，去拍拖，讀書唔理，成績真係史無前例既差，仲搞到repeat左一年中四，唉!所以呢我知道你咁勤力，應該冇咩野需要我擔心既，keep住讀書既動力，唔好比呢把火熄，熄左火唔係好似BBQ咁簡單既透爐咁簡單，要花上好多時間先起到!努力...比心機!
tiffany到你啦!哥都知你都係幾乖，不過懶囉!唔溫書，唔好再懶啦!到時真係好似哥咁，小四同中四都repeat...到時真係多得你唔少!
升學關口唔好放慢手腳，我細佬已經懶到出汁，你係唔係想好似佢咁?拿，威返次比哥睇!等阿哥開下眼界ok?
你地兩個妹，記住要幫下大家!一家人嘛!哥講既就係咁多，得閒多d搵哥!
|
