起初我會覺得阿寶係一個幾女既女仔，即係佢既優點可以表補我既慾望!但原來再諗深一層，其實佢既缺點不斷係我既印象分扣得好厲害!或者係到比d feeback佢，希望佢可以改善一下個人內外比人既印象!
衝動火爆性格:可以為少少事情做成自己極度煩惱，發皮氣!曾經我也會因為d不愉快既事而發皮氣!但係習武之後，心境比以前平靜左好多...而且佢既衝動係好多方面可見，同佢玩單車，總係不顧後果地向前飛，呢個唔係有技術既飛馳，只係盲目既風馳電制，對道路既行人會構成好大危險，自己死好啦!仲咩要累街坊呢?
過份思考(鑽牛角尖): 為一d麻煩既野，可以廢心神諗...我零可唔諗，諗?唔係諗，而係隨預而安，不過當然事前有穩健既準備啦!我唔係一個咁求其做完就算既人，有安排、預算、計劃...咁咪可以風平浪靜囉!人生總會有好多不如意既事，有好多都係意料之外，但呢d野到你去諗大半日，我只會覺得你諗得黎都哂氣!零願你係到做一d行動亡羊補牢，而唔係係到舉棋不定!
缺乏理想: 我好記得同寶去外展中心既時候，佢既跟進社工問佢你想讀咩?佢答:「調酒!」社工問佢:「點解會揀呢個呢?」寶回:「有好多酒飲囉!」個一下我真係想拍爆膠袋「卜」一大聲等佢醒一醒，調酒為左有酒飲?為技能而學呢一行?為飲酒而學調酒?唉!思想簡單而無智慧既答法!講出黎真係笑死人!飲酒而唔識欣賞，不如去飲水好過!
反而第二個答案我覺得合理，社工之後再問寶:「咁仲有冇其他志願?」寶回:「有!寵物美容!」社工:「點解你喜歡呢行既?」再回:「我鍾意狗仔囉!」我聽落去即場覺得好順意，喜歡寵物接著係為興趣而進軍行業，呢個絕對係好!
街童心態: 喜歡講「吹雞」，佢吹雞既意思係咁打電話call一班圍人住一小堆對手，呢d我會稱為「call朋友出黎大聲d講野」，麻煩節省少少，你咁樣我千軍萬馬我都未驚...真正吹雞係只係需要打一個電話，之後好快有人到，而且範圍佔據範圍率係以一條大街為基本!而且我只要係佢正準備打電話之制，之後我打999話有人自稱黑社會成員及非法集會，我企係到目送佢上警車講bye!你打一輪先有人，我打999 5分鐘已經有準備!洗唔洗咁辛苦?
求死意慾高: 佢經常都提起死，想死既不如你早點!如果係死可以解決一切，go ahead!介意跳樓層數唔夠高怕死唔去，麻煩上多幾層!爆糖怕high你唔死，麻煩加杯GIN食多兩粒再爆!
但諗深一層，佢的確放唔低當初佢死去既男友，但我覺得寶佢咁落去，佢男友在天之靈都唔多高興，我好想幫佢放鬆一下，唔好諗太多野，無奈既係我做幾多都係得個零!我覺得呢個人已經冇得救，工冇返、學唔返、煙狂扯、狂歡作樂、揮金如土...
我好想對阿恆(佢以前既男友)講:「不如你回到地面，打救呢位小姐，我盡哂力，我救佢唔到!如果可以上身既，麻煩你爽手少少!當初你唔係咁樣過左身，我就唔洗咁樣同你執埋呢d手尾，但我執唔哂!執得件衫，跌左條褲，著起條褲，又諗起條under唔記得著...點收科呀?小兄弟!而家佢唔要我，唔緊要!但係無幾多個人可以扶得住佢，佢好快就跌架啦!」(麻煩上帝跟手同我send比佢，萬分感謝!)
呢番說話，可能會令好多呢個blog既粉絲屌哂鬼，呢個係我既心底話!如果唔係阿恆死，阿寶唔洗咁樣，我唔洗執尾執到扯哂火!頂!我唔係賴阿恆既，我明白阿恆點解走既故事，我明白佢既難處!但係令到阿寶今日係混混亂亂既生活，我唔甘心睇到佢咁!同件廢柴有咩分別?佢本身唔廢，但係佢因為一個大打擊搞到自己廢，我覺得好唔安樂!
呢一刻我好嬲，嬲係因為阿恆冇好好照顧阿寶，好自私咁去左!如果阿恆會復活，我會摑佢，搞到阿竇咁抑鬱!
呢一刻我好傷心，因為我nothing can do!我唔甘心...
呢一刻我內疚，因為我比唔到快樂比阿寶...
|
