唔知大家有冇睇過一套韓國戲「大佬鬥和尚」...戲裡面講一班黑幫為逃避警方追捕而入左去和尚寺避難，其中有一幕幾有意思!
故事:
一班黑幫同和尚發生左一d爭執，因為黑幫投寺避難太耐，班和尚就想用盡方法整走佢地!咁黑幫亦都唔想讓步...最後佢地想了一個方法，比賽，其實就咁，比幾廿個回合唔同既野，咁如果和尚贏左，黑幫就要走!當然黑幫贏左，就可以留底係和尚寺
佢地比賽過足球，黑幫佢地呢就符碌之下贏左!班黑幫當然開心，和尚仔為唔想黑幫留底既機會，咁就用另一個方法...叩首!(即係五體投地)
和尚天天都頌經，日日都叩，黑幫當然唔習慣，最後亦都輸左!
黑幫唔服氣，出動到啤牌，和尚仔日日都係頌經，邊到識呢D野?和尚仔輸左...
之後和尚又諗到另一個方法，龜息!係水入面閉氣鬥耐...係鬥到難分難解之際，寺院既主持覺得咁樣令到成個廟嘈離不安...就諗到將穿洞的大水缸入水做為比賽
呢個水缸，係好大ga!即係個d皮蛋缸咁大，個洞都有兩個男人既拳大...
咁比賽開始，搞笑場面出現啦!和尚打算用氣功肚皮頂實個破洞，以為先拔頭籌，點知氣功用唔到咁耐，d水流哂!黑幫更有趣，當中有個肥仔，佢打算用佢既肚既脂肪頂，點知都係衰左...
後黎黑幫諗到一條妙計，將整個大花缸成隻放入金魚池，的確個缸係入飽水，大師話:「做得好好，的確個缸入哂水!」
故事完啦!
其實和尚因為不懂變通，導致佢地輸左呢場比賽!往往人就係咁，只懂由小變大，但不懂由大變小，又或者係以反轉既方式黎諗，其實往往就係反轉，可以令一d事變得好有趣味性... |
