昨日，小寶到我寒舍玩樂，佢選擇翻煲「恐懼鬥室」呢段電影，咁我都係後段睇左，但覺得係一段只係帶比人覺得驚嚇，但無聊既電影!
故事係講死神希望用一d變態既手段，迫使一d好想殺人既從事件學懂原諒他人，當然戲中的死神係用威迫，令對方唔做都要做既方式救人...
首先，我覺得原諒別人應該係由心而發，而唔係一個威脅之下進行原諒。原諒人應該係雖然自己得到不必要的損失，但由於你有慈悲的心，所以你自動地原諒對方。但係戲中的原諒係由死神一個角色，用威脅、殘忍、傷害生命的方式去令一個人原諒，當然接受原諒者往往都係受到殘暴既對待而死...
而且要整死一個人，其實又有幾難?一發子彈、一刀大插，或許其他方式...只是人能唔能夠面對殺前的心理恐懼同埋殺後的心理陰影。殺人前事主係因為害怕要負擔法律責任，無法面對殺人時將快死的死者面容，靈界、信仰的影響，無法想像殺死人之後如何處理屍體，如何包裹殺人後的證據而不會外傳任何線索等....
或者我可以用一d實例去解釋恐懼鬥室既無聊...
事件:
當一個揸車既司機係街上車死左一個阿婆，而情況係明知司機因不小心駕駛導致他人死亡，當然阿婆的家屬傷心慾絕，司機當場被捕。當司機係法官面前接受審判...
法官問司機: 「XXX，你是否認罪?」
司機:「我唔認呀!吹呀?但係我撞死個阿婆既，你咬我食咩?不如你唔好講咁多廢話啦...判就判埋佢，唔好浪費我既時間!我肚餓，我要食皇家飯!」
問題:
1. 如果你係阿婆既家屬，你會唔會好似恐懼鬥室咁，用一切殘酷既手段對付個司機?
2. 如果你係司機，你怕唔怕日後從獄中恢復自由身時，或在獄中被人打或迫害恐嚇?
3. 如果你係法官，你會點樣處理?
我既分析:
1. 咁既情況，我唔會用，因為呢個社會已經係咁文明，仲用埋d咁低下既手法，自己做地下判官?邊到有可能呀?而且科技先進，今日要尋找一個失蹤人口，其實成功率已經好高，當然呢方面係有一定既局限啦!不過如果咁樣用酷刑對付司機，其實對自己心靈上唔係一種安慰，而係增加左自己所需要面對既壓力，即係殺前殺後既心理障礙，我覺得每個人都會怕，除非佢已經唔係人啦!
2. 若我係司機，我當然怕啦!因為那時身邊既人都可能變哂做地下判官，向你擲蛋、石、垃圾之類...獄中有可能被其他犯人毒打...
3. 我係法官，其實係無能為力，只可以加刑，將刑期罰款增加。
諗深一層，恐懼鬥窒我唔覺得可怕
|
