尋日，天氣係好反覆無常，但係都一個好開心既一日，同雞亦一齊玩，成班朋友都變得好似以前中學既模樣...成班男仔係到嘻嘻哈哈玩左成日!
咁尋日其實係我放假既時間，不過呢我無乜點訓，通常我係假期就會係咁，訓又唔訓，玩又玩得多!有時都問自己: 究竟自己點解好似唔洗休息咁既?
我尋日係明珠都死訓，講真開工時間咁長，我又點會唔珍惜咁長既休息時間，有時呢一行係好好，講真我係可以充裕地享受休息既時間又可以返工有錢收!人在世上都係為左有多娛樂既時間，咁而家呢行都幾好呀!
12:00起左身之後我整理一下自己就出左去，今次有高佬、雞亦、steven、我同埋阿雄，以前同一間中學仲話可以有好多時間一齊，而家人大左，我就要返工，班兄弟又要讀書，咁見既時間真係少左好多!
咁我地之後去旺中neway唱下k lunch，都幾開心既!steven有學字發音個d，所以呢我覺得我同佢尋日唱westlife既my love，佢既發音真係好靚聲...
之後唱完k，口有少少乾，有見及此我地就去左仙跡岩飲野，我飲左一個係藍莓朱古力雪葩，雪葩其實係d咩黎既呢?其實係一種法式既甜品，咁就因為法國有d地方都幾熱，但由於法國人都係喜歡享受，咁雪葩係一種冷食，既消暑又止渴。的確我飲完之後真係好止渴，而且仲覺得好凍tim...
飲完野去左打機，我就一入到去打灣岸，因為新之城而家都冇哂BATTLE GEAR玩，咁我玩灣岸都覺得好好玩既，咁今次我就對住兩位對手都係女仔，咁佢地其實都係岩岩玩起，咪同佢地玩下囉!返正佢地兩個都係樣子不俗，唔可以望佢地係靚既，但係無可否認都係搞笑之人，開頭打幾round，我都嬴到七彩!咁我係由紫火升左上緑火，而且我個時已經連贏了10多局...
之後我本來想見steven頂一頂我落場，佢就話: 唔好啦!不如我睇你表演!
我本來玩車唔係想show off，不過無人頂...只好照樣打落去!突然間隔離位既女仔同我一齊開玩笑，佢整我玩個部機既波棍位，老實說呢個舉動對於好多灣岸車迷都唔喜歡，不過見佢地都幾得意...算啦!
之後我右手邊既機整返好，呢位人兄佢就落場同我挑，加埋兩個女仔!呢次玩山路，係人生之中玩得最好，咁我覺得有女仔係則邊一齊玩個種感覺係開心好多!
到最後我覺得都玩得七七八八，人有時真係要留一線，我估意輸準備走，我留意到有一刻，隔離既女仔原來佢一路都揸到亂哂大龍，原來佢一直都分心望住我打機，再認真望返佢，佢知我望住佢既時候，佢好怕羞既回望返個display...不過呢d女仔我係唔會揀，因為我覺得佢地始終都係大癲大吠既一類，到最後亦都係最易吵架既!
呢次打機係我係新之城贏得最多既一次，返而steven問我d女仔點解係到係咁入錢狂輸都入錢，我就覺得呢兩個女仔係有錢女，或者係大洗婆，不過又可以咁講佢地搏多d機會接近我...都開心既，原來係女仔心目中我唔係太差罷...
不錯!很好的一天!
|
