衫，大多數都可能有鈕扣，可是如果個件衫冇鈕扣，都可以咁講既係人類對衣服既選擇性少左可能都有6成!
「獅子的鈕扣」呢個故事係我13年前，即我係4歲既時候睇既一本故事書，我覺得係幾有意思，因為佢講左幾種問題，不如我講呢個故事:
獅子仔係一個好貪靚既人，有一日佢買左一件好靚既衫，而且佢係一日同朋友去街既時候著左出去，咁朋友都讚佢好型仔呀之類...
好啦!出完街，獅子仔就返屋企，咁衫就當然係攞去洗架啦!正準備洗個下，大檸樂啦!粒靚鈕呢?
咁好啦，獅子仔嘗試係回來沿路咁搵，搵左幾個鐘都冇，到左夜晚阿媽打哂鑼叫話返屋企食飯，佢都唔返!好比心機搵，最後結果係阿媽扯火啦!飯前娛興節目，梗係籐條炆豬肉!
到左第二日，朋友仔得識獅子仔唔見左鈕扣就好唔開心，陪佢搵，夠哂老友義氣拍哂係心口，不過呢獅子仔居然係搵既當中猜忌佢既朋友，懷疑松鼠女當日行最尾趁獅子仔唔遺意拾左，好啦!松鼠女清者自清，無所謂咁比獅子仔search一輪!
搵唔到!之後獅子懷疑豬仔，又搵...冇!成村朋友都比佢搵齊，冇!獅子好唔高興，仲話:「肯定係你地收埋唔知邊到，之後就由得我似個傻瓜係到搵...」
朋友聽到，非常不爽拍台走啦!
咁村長見到班小朋友咁唔開心，就問點解?小朋友回答:「獅子仔囉，唔見粒鈕賴人!」
村長之後就去見獅子仔，同佢講:「為人唔可以對朋友存在猜忌，為左一粒鈕，而失去整班朋友，值唔值?」
獅子仔得村長一言之醒，反而佢用刀割下衣上既鈕，分比佢既朋友，之後朋友將佢地收藏既鈕全部掛哂上去獅仔件衫到!最後獅子仔獲得一件「新衫」，而成班朋友都好高興!
故事完左，可能大家覺得有d荒謬，肯定會話:「唔請獅子仔食鈕都算偷笑啦!」其實人就係執著就係呢點，因一點既事，就好似水墨畫咁，化到大一大咁!咁又有咩意思?
化友為敵?還是化敵為友?好講一個人對事件既睇法，正如話「以和為貴」，香港好多青年都係咁，打左佢先算啦!呢d就係冇忍耐...唔識得以溫和手段解決...好多野本來有得傾，結果傾唔到兩句就打...
以和為貴，凡事都解決既方法，就算件事係無解決既方法，都唔好忘記如何抒綬當中既壓力。
|
