向來人都唔太喜歡束縛，太大既束縛，最終都係會物極必反，我深信一個極端既情況，最終會令人失控...
近日我公司既高層話係保安室裝閉路電視同埋錄音系統，咁我就覺得呢個係極之唔好既做法，第一就係返工邊到會有人唔吞撲?作為一個老闆或者一個公司既高層，總係想班細既，或者係伙計係努力工作，最好係想你唔洗休息，同自己打江山，呢個道理我都好明白，因為我也曾係一個店東既太子!
第二，完全冇哂工作上既自由，做咩事、講一句說話，都會受到上頭既觀察!簡單d咁講，其實同昂山素妃係佢自己既國家被政府軟禁，只係可以行得走得!講乜做乜都係比軍方阻礙...
第三，我懷疑係日更作祟，向來日更係最接近一d高層，咁佢地係背後究竟做左幾多挑釁性既言論，我地完全係唔知!因為我地都已經落左班。講真我覺得向來日更既同事做事係比自己更馬虎，即係明明一d好簡單既工作，佢地都可以做到亂哂大龍，唉!咁樣既合作同事，其實有時我地夜更都係一句無奈，因為好多時都要跟佢地d手尾...
向來我地夜更都有好幾位同事都係抽煙，包括我自己本人都係，以前食煙都可以輕鬆d，一路做野一路食都唔怕，而家冇囉!下下都因為鏡頭而要閃閃縮縮，想講下咸濕笑話又唔多想講，因為有錄音...
珍姐係最唔滿意既一個，因為佢平時小息時間都係大本營小息，講真有冷氣、有舒服既椅、有方便既環境(有微波爐係就近，叮完食完就近訓一訓)，講真小息最好就係呢d位置...而家冇啦!因為鏡頭既關係，我地都唔可以就近訓一訓，冇冷氣搞到要係一個得風扇既環境底下小休，講真邊個都休得唔舒服，簡單咁講係訓都訓得唔好...
講真向來我都唔係太喜歡接近日更，因為佢地既IC都係半筒水做野...導致到班伙計都係半筒水之中既半筒水，有時佢地做到D野亂龍，真係令你都會想講:「班撚樣係咪白癡架?」
雖然我既夜更同事鍾叔都係咁，唔帶住個腦返工，經常性係半夜三更訓教。蓮姐都係，唔識得應變突發事件，做左成年講野都一嚿嚿...新同事志哥係呢行既老行尊，但係做事係我行我素，唔會同客人有D咩溝通...呢D都算!最大麻煩係琼姐，口多...我覺得係因為經常失言既佢，導致到好多夜更唔想比人知咁多既野都出哂街，咁就死啦!日更將D野唱哂出去，咁咪自己攞黎搞?
咁搞法，遲早呢一更死哂!
|
