向來工作既地方係一個居屋混合公屋既地方，咁一個叫「邨」，一個叫「苑」...但原來生活模式原來可以係一樣...
夜半三更最寂靜既時候，最常出現既係巴士司機準備外出工作，呢個行業我覺得最難頂，係因為輪更制而且要比眾多需要巴士既人更早起身...
第二係街童，一個邨我發覺係有一間7-11或者OK便利店或通宵營業既小食店，甚至一間網吧，總會有街童既出現!相反地，如果冇呢?咁我相信果條邨係好靜...
第三係酒鬼!酒鬼向來比我係一個麻煩既類別，酒鬼飲大左，語無倫次係到大叫，行路兩頭撞...最慘既係，佢地可能認唔住飲到嘔...幸好佢地未試過係我面前嘔...或者係我守緊既崗位先黎咁!尋日有一個飲大既女仔，佢男朋友帶返佢返屋企，咁我見到佢飲到咁，咪去開個門比佢地行個方便囉...不過個女仔最好笑既就係話:「呀!呢個哥仔真係好，鑊鑊我飲大左佢都開門比我...」咁又係既，鑊鑊飲大差唔多我都有開門比佢...
其實酒鬼仲有一個，係阿丹...阿丹係一個好靚女既住客...不過係衰爛蒲!我唔知佢係因為工作關係定係真係去玩，佢總係10點尾11點頭就外出，如果係工作，可能佢係啤酒妹或者拳手...但係呢D工作既人有幾何真係會玩到咁...
丹有時係玩到幾個佢既朋友抬佢返黎，唉!呢D真係有失儀態，有時候飲酒係咪為醉呢?
返而我覺得一個邨應該係有玩街車既人存在，但嘉福一帶居然係無，點解呢?呢個真係令我好費解!子彈、淑女都無落街...BMX甚少，MTB同RB出現率極少...
尋日工作上其實冇咩難度，不過最大敵人就係「天氣」，尋晚我係座頭，無冷氣得兩把大風扇...基本上汗係無停過，因為天氣實在太熱，而且係座頭無風，我唔明點解嘉盛可以熱成咁?之後巡樓仲要行哂兩轉，無得一半，要行哂FULL ROUTE...我頂!熱到七彩，因為樓層得個每翼既一個小窗，再加埋兩條梯既通風位...但有防煙門隔住...咁其實上到樓上一D風都無
呢個係一個我覺得係最差既樓宇設計，返而我覺得全統既Y型公屋係最通風...不過係治安上亦都唔見到呢個設計有幾好?
一個樓宇，我覺得最好係V型，一座可以有40層，天台加一即41，升降機分三個位，分別係一組8部內角，二組各4部外角，走火梯5條，一層30個單位...一流 |
