自從有左兩架dahon sp8之後，基本上都好密玩車!不過尋日玩左幾個鐘，好多野領略到...
咁尋日本來我係約恩傑出車，之後叫細佬約埋臭軒...不過兩個都唔得閒...換黎一個MTB既禮賢師弟祟傑，同埋一個識左幾耐既文騫...咁文騫既case係幾突別，因為佢係一個唔多踩單車，但又有RB(Roadbike，公路車，黃金寶去比賽個d車種)，不過最有趣既係，佢個架係古董黎架!
咁古董RB同現今既RB有咩唔同?首先講下個架先，重量係而家個D車係好輕，物料通常都係用carbon(炭纖維)，鈦合金、鋁...而古董可能得鋁、合金、鐵...當然係重量上有好大差別，現代既車一隻女仔既手都可能拓到，古董未必可以...最有趣係上波既系統，現代既RB，用槍手係可以一次過做既幾個fuction，例如基本剎車前後，漸進上波檔及跳進下波檔。以前既車，上波是需要一對「小波棍」，同剎車制手分開...一般仲會係頭柱位置，不過文騫既車更老，係車架上...最後仲有飛輪，10多年前的飛輪仲係13飛，而家...10了...
咁尋日下午時間好熱，我懷疑祟傑食錯野，兼有少少中暑!尋日佢係大窩西支路有嘔吐、面青口唇白既清況，其實我當然擔心啦!因為如果佢堅持上車踩，我好怕佢突然暈左，又或者發生交通意外...呢d我當然唔想啦!
之後去到大橋底，我地比祟傑休一休，事關佢真係唔舒服!
最後我地都係落左去大埔海濱公園，好開心!因為有好多似樣車落左黎玩，好有挑戰性!
希望自己快d可以改到車，咁就可以找到理想速度! |
