尋晚，我係嘉盛苑過返焗爐既生活...我係一開工既時候，我阿頭已經安排左我係做一d突別既事項...例如做下「信鴿」(跟進個d信件係業主立案法團既高層)，睇冷氣滴水...或者更「有趣」既係突別行動!
咁我首先做左個d郵件，其實都係個d白癡行動，基本上個d都係拖下時間，總好過係保安室入面抽煙，呢個唔係好玩既主意!
咁我尋晚都follow左兩單滴水個案，一單係覆核有冇再滴水，另一單就係跟進投訴，不過好好彩，一搵搵到...
不過阿頭突然call我，話有買賣舊書既人走左入村，呢班人係我感覺上係「易容術」幾高明既人，咁我用返以前書檔教落既「洗樓」技術，搵到目標人物，原來係兩個男仔!不過我知道佢地「洗樓」唔會係得一個咁少，因為洗樓高明既做洗係至少一行三人(輪流做位，一個攻門，一個搬貨，一個睇水)，結果佢地走個時真係有第三個，仲有既係最激氣既係蓮姐居然唔盤佢地，佢係見到其中一個係可疑，我真係嬲到震...明知係有問題，如果係爆格佢既鑊冇人頂到...
之後，11點幾個陣，有一家三口係到爭執...幾濕滯既!老頭同個老婆前夫個仔打架，最好笑既係個老豆係一個垃圾筒車落個仔，不過我覺得個仔係抵車既，因為講真果個男仔真係一個幾串既人，經常係我面前都係唔肯自己開門，份人都幾得串進尺，比人打下先至識得收火...其實好多而家屋村仔同妹都係一樣，我覺得佢地係老馮，換著我屋企人已經打到我七彩，仲比你係到講數?
有時候...屋邨家庭真係有好多問題，而係好多人都唔知，我覺得呢個係政府既問題...講真如果再唔壓低地價，每個香港人住既屋愈黎愈貴，社會中層支持得到，基層呢?
有時個d社會上既搞事份子，我覺得言論自由太闊，因為成日都係一d示威都係一個爛攤子，講真我係特首會即時動用大量警方去震壓，必要時用實彈打到班人訓低，講真比你示威，唔等於比你係到搞事，你要搞事我就打!南韓既手法我非常欣賞...
經濟上，係應該脫離美元掛鉤，同英磅掛接，呢個係一定會好好，英磅既基礎我覺得係比美國好好多，但係我唔明點解咁都會唔接，美金講真係比一班大財團瓜分緊，其實都已經令到一個市場係一個被控制，而唔係一個自然既上落...
對香港，我既感覺係...一班無能既人，做左一d政府高層...用緊納稅人既錢做緊d無用既事!
|
