尋日天氣係幾熱，不過呢香港空氣污染程度真係實在太差，我覺得好混濁...
咁尋日就為左想補償返之前成日約我既一班踩街車淑女既朋友，咁我之前經常受到佢地既邀請，不過呢我就因為工作上真係太累，所以最後都係要搞到尋日先約到出黎...
另外呢，我就搵到班老友，例如係阿然仔同臭軒...其實呢個情況係幾大差別既，一班朋友係街車，另一班係賽車類別...速度上都幾大分別同埋能力都有所不同...一行7架車就咁出左去...
咁街車朋友係叫無名，佢係一個肥仔黎既，另外佢有一個運動唔錯既朋友，同埋有一個幾細粒既朋友...不過佢地d車有d真係幾糟糕，例如無名架車佢個籃爆哂咁滯...細細粒呢架野係好似冇力咁，運動唔錯既朋友，雖然佢係街車之中最快，但係D件唔得，得個6飛...
去返公路車類個邊，阿然仔今次見佢又黑左，架車改得又醒目左，換左個前後胎ling...臭軒依然都係少變動為準，因為我知道佢d屋企人反對佢改車改得咁多，其實我覺得幾陰公，我覺得如果要認真玩車，不論咩車一定要改裝先好玩，除非架車你只係返工返學出入代步，咁改黎就冇意思啦!
細佬尋日都有出黎...不過佢快既表現唔係好得，即係佢係可以快，不過維持既時間唔多，尋日就好明顯見到一個咁既現象，例如係開頭幾分鐘係維持到，但係之後好快落後左!我覺得呢個唔係大問題既，只係如果細佬肯花時間鍛鍊呢，一定會有得快..
咁講下去到大窩西，呢個真係強差人意，因為淑女部隊實在太慢啦!講真體能唔係好得，由其係細細粒，太慢啦!48餅加5飛可以係慢到好似老婆婆推手推出咁...無名呢，唔谷佢真係唔撚發力，我心諗踩車踩到你地咁慢，邊到有人肯同你地玩ar?
去大橋底，我地休息一陣，見到淑女部隊真係好累...咁之後入隧道，唉!本來我唔想入隧道，因為落一落再上真係好浪費體力...不過算啦!
最激死人個下係，無名去到科學園，一下轉彎cut正然仔，唉也!真係差d仆死然仔...但係其實最挨煙係條鈴，因為RB既鈴係幾脆弱...好彩最後都冇咩事...如果唔係，無名就真係要成幾千蚊賠返條鈴比人，咁呢D好明顯係無名既駕駛技術極度有問題，如果唔係佢個籃唔會爆成咁...
向來阿然都係一個幾大方既人，今次亦都唔例外，不過臭軒就真係火氣大少少，我覺得呢D野唔計較得咁多，因為零件壞，最多係換!況且一班岩岩起步玩單車既小朋友，佢地識技術又去到邊到?甚至你問我6個人當中有邊個技術係似樣，我會答無!因為個個係大窩西都無咩太留意交通情況，一味係直望，其實係直路有時都要回顧返後面，呢個亦都係我係學車個時學到!
有時意外既野，好難預料，不論你技術幾好，我好肯定既就係意外總會係身邊圍住，只係你好唔好彩避開左，正如就係環法單車比賽，咁多世界級既高手係比賽入面，但係佢地咪又係一樣會係比賽中炒大鑊，佢地炒埋一堆既車損失既價值，可以係幾百萬上落...
之後係科學園小休左一陣，再出發!今次真係放甩左班淑女，我地維持係大概30km/h一路返大埔元州仔個邊...而且以一條直線狀態既破風式去行，好爽!
最搞笑既就係返到大窩西...無名打比我，佢問我係邊，我答:「我係大窩西呀...」佢話:「下...游水?」可能太大風既關係，佢係聽得唔清楚...
不過下次有淑女車主搵我，真係諗清楚因為可能佢地會好慢!好似無名個種咁...
|
