今日，我又唔知點解訓唔到啦...個人訓得唔好，膊頭超累...唉!我都好想知點搞...
咁尋晚都唔算話好多野做，咁我只係覺得好熱，因為唔知點解嘉福一帶係可以完全無風，只有一股悶熱!係外邊巡邏都還好，巡樓都有少少山風吹來...至少座頭，只有一陣陣由風扇吹來的熱風...
呢d都算係野少，半夜有班小朋友黎保安室門外吹水，咁講真我叫佢地走，咁我邊到及我阿頭咁好牙力，呢d係經驗既處理手法...
最搞鬼係涼亭的情侶，整斷左圍封既尼龍繩...女既仲話: 冇呀...唔係我整架...老實講，我見到你用打火機燒既!不過見你咁靚女，我唔會留難你既...
不過都唔及同孔仔食早餐，佢實在有太多笑料，基本上我笑足全場...之後佢有個好靚女既朋友黎搭台，呢個係一個好消息，即我覺得係呢到返工，有d咁靚既女仔，其實都係一件好事，不過衰就衰在好多都係有掂毒品，向來我對吸毒都係好反感，因為吸毒者好多時都有反常既行為，即係食到迷哂，周圍搞事...
黎緊今晚既更表好古怪，希望我可以好快適應到，因為呢次有d人手調動，有同事遲少少返!我覺得阿頭太就班同事，搞到好多時我覺得係破壞個規則，同事話遲返就遲，到就到，閃就閃...咁我作為一份子就會覺得咁我做得幾標準都好，都係有一班烏合之眾係到混水摸魚，唉!勤工獎又照有，真有點不公平... |
