尋日，我放假...點解我唔搵阿寶，因為我覺得佢太執著自己既原則，我覺得好難同佢溝通，唉!為人咁執著做乜?
咁尋日就有幾樣野做，咁我就首先要處理左買家買車既事務，咁就尋日係黃昏時間處理，不過都有好多突發既事!
首先我就去左steven屋企hea左陣，玩下佢熱愛既UFC，不過我就覺得嘛嘛地...因為打唔只咁簡單，UFC太簡單了...有時候，打唔好比d框框鎖住思維，打係可以好多源化，全身都武器，唔係單方面手手腳腳...有時候可以借助環境、對方身體、對方發出既力量、衣著打扮...
之後臭車原來係尋日考會考既中文口試...咁我陪佢去左試場，都幾好既，見佢既狀態都幾輕鬆!希望佢成功啦!
緊張既時候到啦!買家calvin佢黎上水，不過臨出黎個時，佢就因為架hiace唔聽話，爆左水箱!咁我都明白既，天時暑熱，車又長期運動，咁唔好話車啦，叫你跑10公里係30度下跑，你都死啦!
不過我係等既時候最火滾既係，林澤雄借左steven電話同我叫我臨時取消交易，呢d我覺得係大哥格...講真出去食野，我又唔係就黎間食店先到，咁我咁岩有突發事遲左，係咪應該要體諒下呢?我覺得買賣係講誠信，講左就真係要交代到，咁買家calvin佢自己都有自己既難處，車唔得，已經叫左朋友既車頂替，一心交易要人地取消車黎上水?呢d我覺得係好欠缺風度...不過我識左林澤雄咁耐，我都覺得佢係自己顧自己既人，性格同思維係咁，無理由強人所難，唔係出言要人地行動改變，而係自律自己改變自己
咁好啦!我到左食飯既地方，成班人都到哂!咁都似樣，林澤雄都冇話好似以前咁出言:「搞錯呀!成班人等你一個...」
咁食野既時候，我就食左好多野!佢地亦都係咁推哂d野食黎，睇黎小黃虫既功力終於得到用武之地，我當然係咁食啦!
最後我地真係飽到行唔郁，頂肚有時真係幾辛苦，最後我12點返左屋企，好累就訓左啦!
|
