尋日，我同阿寶、我細佬阿B一齊同阿K慶祝生日，其實阿K係今日先至生日，不過佢又有其他朋友同佢慶祝生日，咁咪尋日同佢提早慶祝。
咁朝早臨收工個時，阿寶已經講話同佢契姐阿程去食個早餐，咁契姐係呢個時候真係人生失意之時，佢岩岩同佢愛人分手，我知道佢係受到一個好重大既打擊，不過佢呢個男友要唔要都算啦!為佢喊、失落，都唔知佢為咩咁...
之後我再去利豐，搵件之際，唉!老闆開門個時，佢先黎話冇貨...頂!
一氣之下，我去左潤記改，咁我同師傅仔都有d交情既，佢介紹左隻野比我，改左之後既感覺都唔錯既!
之後我帶埋細佬同阿寶去set車，細佬佢個架真係重傷，好多野都有壞，冇計!因為我佢架野真係遭到好天然既傷害，我覺得細佬佢唔改架野真係冇得救...
咁之後同阿k去左元綠食野，順便我同寶去左迡龍豐整左隻小喇叭比k，阿k見到真係好開心，咁我覺得咁樣真係幾好!
尋日阿竇玩BG4，其實佢真係玩得幾好，我提點佢個D轉波過彎，咁佢又真係幾叻!學到野...細佬仲好笑，佢一上車，就基本上係揸到!我都覺得好安慰，我自己就雖然係知道車係點揸，不過真係仲有好多進步空間，我明白師傅講個D野係點解!阿K仲好笑，我幫一幫佢，佢揸到少少，不過我知道阿K係一個好聰明既人，佢學野比阿竇快得好多!
阿K發神經地話想玩灣岸，我借card係冇所謂，但我只係話比佢聽:「係!好話，你望下人地...」的確個時好多高手係到，我心諗...你仲對佢地，對電腦人你都覺得自卑...無耐佢地真係太強了...
之後再去推下銀咁啦!咁我都贊助左少少，不過我見阿k真係好叻係推銀，我係完全唔識!
後黎再去粉嶺圍，我見到迪仔同阿康係到斯殺緊，不過我覺得佢地既程度真係太「高」，因為佢地真係亂哂黎!
阿妹係單車上真係進步不少，我覺得係開心!其實有時都幾喜歡阿k，因為佢真係幾有趣，有時人生就係好簡單!佢比到我既感覺，有時就係好少少既野，就可以滿足到!我滿足既感覺好易填補，車個方面就當然唔係啦!
假如阿k係一個自己既另一半，其實唔錯!不過呢d野諗下就好了，講真自己係咩料子，自己又唔係唔知!算啦!對感情事，暫時都係唔敢多想，因為覺得自己未有放開心懷去做呢d事... |
