阿宏由我識佢一刻開始，佢由lady淑女車，到黑馬架子彈，直至今日新晉加入RB跑車行列，佢手車唔係差既，不過呢兩日真係佢既當黑日了...
前日，7月27日，咁我地係帶住偉哥操速度，講真偉哥真係實在係車性能與速度不相符...簡單d講即係佢既體能未達標!咁偉哥架車就真係好多問題，例如係上波唔準，經常性有換檔不正，唉!咁樣400蚊既車真係唔係太值，最抵係枝震叉架咋...
不過，係回程既時候，阿宏架車後轆爆內胎，相信係胎齡老化引致，不過係大窩西支路中途既南華莆村附近爆胎都幾係野，因為由呢到推車步行返到粉嶺，都要15至20分鐘...
咁我就見咁既情況，都係一齊推返去啦!無理由丟底人地係大窩西支路，自己踩返去...
尋日，7月28日，再帶偉哥出去操多轉，今次阿宏就真係大檸樂，我一路係head住個頭，咁個時keep住大概33km/h，但係我留意唔到地下有塊大石，約有半個籃球大，相信係泥頭車跌左出黎，好彩唔係岩岩跌出而唔係我地跟車尾，如果唔係成team人死哂!點解成team人死哂，假設彈石擊中頭車，後追上仲有幾架，一架炒，後面有可能接二連三會炒哂...而且次次玩到咁高速...加上路段上係有大型車輛!一係比石彈死，一係炒車比公路上既車捲入車底，lock鞋既有可能被困而死。
好彩地，阿宏符碌無事...只係擦傷左少少...
|
