尋晚，月明當空既底下，我、阿宏、阿然、細佬、臭軒、阿峰、阿權仲有偉哥，一齊出左去吐露港，咁呢一晚我覺得偉哥係肯快左個丁點少少，唉!佢咁玩車點會有進步?
咁阿然早前係日本去完旅行返黎，佢整左幾件北海道字樣既遊客旅品個d tee，咁佢買左一件佢自己，加三件分別係我、細佬同埋臭軒...咁就組成左「北海道車隊」，都幾過癮!
我地四個夾車都算係夾得幾完美，以4個唔係多玩車黎講，都算係差唔多，之後我地成班以阿宏為target，因為佢經常放我地飛機既關係，我地一下子就想出4架車打一架車，結果計劃真係成功左!情況就係咁，係前面50米見到阿宏，之後成堆雀就開始圍剿佢，可惜係阿然有少少腸胃不適，細佬未能夠帶前攻擊，咁得我上，臭軒就埋伏，我以55km/h扯快阿宏，令佢根疲力盡!之後臭軒後攻上，成功左!雖然我最後唔係第一個回元洲仔，我係第三，臭軒第一同阿宏第二...但我都係覺得好滿足，因為咁樣攔截左阿宏既衝刺...
其實呢一招係以前展跑隊學返黎，當全隊處於落後，放小隊其中幾名人員攻前做「利誘」，將前面既對手「擊落」，即係攔截性拖慢或盡量扯到對手無氣，然後後方既隊員全力進攻，通常該隊既成績會較被攻既隊伍成績較好，或者係至少令自己隊伍名次有所提升!
今次其實我地係夾過戰術，但成功做出黎!呢個係唔簡單既事!
阿峰同阿權兩兄弟幾好玩既，佢地好鍾意同我一齊扯煙!爽!
偉哥唔知佢做緊咩?我都冇咩興趣同佢再有d咩進修，事關佢都冇鬥志去跑!不過尋晚最恐怖都係我地返粉嶺花都老麥小休，咁我地係大窩西粉嶺出入口等一等，見到偉哥再直去和合石迴旋處，但係阿宏講出幾恐怖既消息，佢話從後方聽到好似有d金屬撞擊聲...咁夜晚個條路，通常都冇咩人，最多機會係偉哥炒車，幸好我地正進步回車尋人時，偉哥返黎!嚇死...
|
