尋日我係油塘考車，都係肥左啦!老實講，我覺得車唔係一樣易駕馭既東西，應該係咁講...自已一個人揸通常都冇問題，但係一條路唔係你一個揸哂，有法律既限制，有人地其他車主同你一齊用同一條路，有危險性既存在...
不過今次比上次天光道既考試好，我至少係三手胎掉頭、泊位、斜路停車開車呢d特殊項目全部過關...所以我下次再考試，係可以唔洗再考以上既項目，只係需要跑街就可以!聽師傅講好少學生好似我咁係倒轉，通常d學生做唔到既係3手胎(即係3手胎變成5手胎或以上)，泊位出界或者斜路開車停車嚴重溜前或溜後。
咁變相其實我以而家既情況黎睇，叫我再考返其實就成功率都變得幾大!
我點解肥佬車試，其實就係咁既，我考試成績係兩個嚴重，項目係油門控制不當同埋離合器控制不當，因為我有三次死火，明顯就係呢回事，不過我就只可以咁講，呢個係比其他車害既，因為係油塘個d司機大佬真係唔就你...咁有咩乎?只好白白接受肥呢個結果...
反而我覺得一take pass我冇咁開心...簡單咁講，學習時間短，領悟突發情況少，咁其實係較難適應現實既交通情況...對於意外既發生率亦都係高左!我零可吸收多d經驗，總好過日後自己係出面揸車撞哂板，咁整返架車既錢此終比你比鐘錢學車貴!
咁考完車，之後下午時間去左玩單車，今次有阿然、臭軒、阿宏、阿偉、細佬阿B、阿寶...加埋我自己，一行7人出車，今次首次係高速車有自己熟識既女團員一齊飛，不過阿寶都係唔快，睇黎要多D操練...
阿偉依然都係HEA車，冇努力過同快過，鑊鑊都係慢到賽龜，有時我唔明佢仲跟我地玩車仲有咩意思，不斷比我地係咁迫快，又要自己辛苦，都唔知為咩?不過亦都好慶幸發掘左阿宏出黎，如果唔係佢仲係街車界ON9緊...阿偉居然比阿寶快過佢，一個堂堂男子漢原來水皮到踩車水過一個女仔，阿宏既前女友都係快過阿偉，唉!我唔明佢轉左架2手SPECIALIZED做咩?佢踩街車又係咁慢，踩MTB又係咁...我唔知佢踩車為咩?
尋日我地幾個一齊玩創新路大戰，我地頭車群係阿然、臭軒、細佬、我同埋阿宏，不過阿宏唔知無啦啦做咩係第二圈開始時入左PIT，之後我地四架就一路返終點啦!阿寶初試都唔錯，偉哥又係放到失蹤...
|
