鹿頸、新娘潭、大美督一向都係玩車勝地，其趣味性係可以比美大帽山山頂，以及飛鵝山...
平時多數同細佬、阿然同埋臭軒上，不過今日係自己操刀，心情其實都有d緊張，由於我尋日既處境係閒日，行山人士、單車友、電單車飛車友、跑車友都會係相對少好多!不過老實講，其實星期六、日都唔見得多去邊...
我由屋企出發去到大美督呢段路，我覺得係非常炎熱，亦都係覺得有點呼吸困難，大啖扯既係熱氣流，令我係咁咳!一d都唔好受...
去到大美督，我去到單車鋪買左一枝bonactive同埋屈臣氏水各一枝，咁就洗左我18蚊，真係食水深!但無計，唔買就冇水上山...局住都要啦!之後我係單車鋪打探下消息，問下個位店員多唔多人上左山，佢就答唔多覺...
咁我搞掂左d水既問題，上山啦!首先我就上第一站大美督八仙嶺漁護站，咁以前我同成班fd上山，我自己就行緊1波至2波，即係32齒同30齒，但細佬前日同朋友上，佢話其實4波(21齒)已經上到，咁我開頭都係唔係太肯定，但尋日一用原來仲好用過行30,32齒...不過其實未來都要實牙實齒要面對25或者23T既考驗!所以而家咁樣用，我覺得應該唔錯既決定...
咁我上漁護站之際，見到有位小姐推住架單車上山，我覺得佢幾有毅力同耐性，講真香港好多女仔見到呢條斜坡都已經打哂退堂鼓!我係上斜都同叫佢加油...
再上見到一班租車，我就一路上，佢地居然追wo!我心諗: 唔係阿化，你地租哂RB同MTB，但呢D級數既車上山同我鬥係冇得打，而且佢地又唔係操開車，踩呢D路會極其辛苦!
後來我發現有一個目標，係一個阿叔踩MTB上緊山，同我既!路線一樣...我就嘗試追呢個target...最後就係漁護站之後一堆落斜狂追...過1分半鐘之後就已經比對方又再反超前，唉!MTB係一種上山好簡單既車種，我係公路型...點追?
之後阿叔係新娘準潭對落三岔口交界停左車休息...佢見到我都打招呼...以車會友，呢d絕對係好車主!
咁我過左佢呢個位置，就係一路極速落斜，今次做到個極速62.9km/h，比起上仲要快2.7km/h!
咁我係落到鹿頸涼亭仔休息，全身好濕好多汗，但係好爽!抽左一根煙，返大美督lu!
咁向來由鹿頸返大美督總係比大美督去鹿頸係易，咁返去呢轉岩岩過左南涌燒烤場見返個位推單車上山既小姐，佢同我講返加油!^^
之後過左新娘潭停車場，見到有班租車既落山，我知道佢地係行半座山，即係上到新娘潭就折返大美督，咁我係後追倒追佢地，一下就過哂，好爽!
最後我係漁護站斜路又創出新紀錄，69.0km/h極速!架車真係快到吹黎d風係好凍!而且好驚呢一刻炒車，因咁高速咁炒通常都死得好安祥...
呢一日，我玩得好開心!
|
