係近排李家誠呢位香港首富就話香港個經濟開始回穩既時候，但係我完全感覺唔到，反而係覺得個社會仲係好差，因為就我係工作上所見，根本好多我既熟客都係打工做個半死，人工雞碎咁多仲係未見有得加，咁誠哥係咪說話上應該有d保留呢?
另外呢，係前日8月12日我係開工既時候要面對一d財務公司既人，當然唔係西裝骨骨個d啦!係惡死個d紋身佬，咁我係座頭守緊個陣比兩個呢d人入左黎，咁我開頭都唔為意，講真有紋身既人嘉盛真係多的事...唉!點知原來紋身佬上去搵人既原來仲要係一個極度麻煩家庭，點樣麻煩法呢?平時一般人登門造訪係唔會話入就入，另外有人到左真係要打比佢地屋企，要佢地認同左先至比上樓!
呢d家庭，仲要遇上財務公司既人士，咁紋身佬點會理保安同埋定下既規則，加上我都唔知原來呢個家庭向保安部申請左呢樣野，屌!紋身佬直上，唉!仆直啦!個客打返黎真係咁係個電話屌哂鬼!
講真呢個家庭真係投訴王，乜叉野事都關佢事，就連唔係我公司地頭既位置都要投訴，咁我心諗公司真係太錫客，仲要既係員工被人投訴係聽哂個客既，咁我覺得呢d係無奈，講真香港太多人利用少少既權利去製做一d令人討厭既事，無奈既係打工既無奈要按公司指示做野...得失個客等於冇左份工!呢d就係香港既服務性行業既文化...
咁好啦!紋身仔對呢家人既「待遇」都唔見有幾好...玩到用索帶仔索人地門口，呢d真係老土，求財姐...唔洗玩咁大嘛?
有時嘉盛d客好常將呢d蘇周屎返屋企...亦見有呢d客無數次!
尋晚係最好笑...line check，不過我係當時有另類行為!食飯...咁line check通常都係一d經理級既人馬黎check，不過尋晚我遇到一個好搞笑既經理，基本上我向來都覺得d經理係無乜幽默感，但係佢真係最爆笑...
尋晚一個爆笑男經理朱生，女經理叫janic，仲有我老頂士頭婆...佢地一殺入黎:「公司巡查」頂!本來我呢個時間係外巡，但係我zip少少時間食下宵夜，唉!本來一諗: 死啦!士頭婆見到我zip時間一定唔高興!因為我個時係外巡，雖然係好短既時間，但係都唔係咁好啦!
幸好兩位善良既經理冇對我有d咩不滿，反而叫我食埋野先!呢d咪叫識做囉!有時士頭婆想完美，邊到比你咁完美呀?老大?好彩最後佢都無乜野，咁佢同我都係line check既時間有計傾有得笑既，見到咁樣，當然我呢個打工吞撲王又可以逃之夭夭啦!
打工，講既係表面扮勤力，實際係叫做快手快腳攞多d時蛇王，我認為係合理，從來都係「多做多錯，少做少錯，唔做唔錯」既原則，多做有時畫蛇添足，無個樣做個樣只係攞苦黎辛，少做自然減少工作量，自己輕鬆d，當然唔係叫你做到d野係偷工減料!唔做，唔識就唔好做，有時打工由其係技術性行業，好似電咁!唔識真係唔好做，電死就真係大檸樂...
再講下一d趣聞，尋日嘉盛有影相活動，即係法團搞個d優惠既證件相拍攝!咁我係22:00既時間，當時拍攝活動已經收左爐，有位小姐就行埋黎，問:「呢到係咪影相架?」我答:「係，不過夠哂鐘師傅收爐啦wo!」小姐:「下?乜而家唔係10點咩?」我:「係，不過活動時間去到10點完啦!」小姐:「乜咁煩架...(有d發脾氣)」佢再望入去影相活動既房...師傅見到呢位小姐，就話:「我地夠鐘收工啦!」
呢位小姐係典型既港女，我覺得係一個好自私自利既人，我相信你睇烈火雄心個時睇遲左少少，家陣先識落街啦!話人煩，我真係想講你最煩，係到阻頭阻勢...好明顯佢既時間觀念總係自己既手錶，唔係係人地個鐘!呢個世界冇時間一致既手錶、電話時間、時鐘...最一致就係全球各地既天文站...如果你唔係睇自己隻錶，同埋肯預早少少，咪唔會落空囉!正一傻港女...
有時我唔係咁喜歡本地香港既女仔，太過受保護之下形成港女既態度，講真我覺得呢個世界唔會有咁將就你既時刻，最將就你既就係放縱你大小姐既家人，阿賓賓或者印印，仲有個d傻更更既觀音兵男友。
其實嘉盛真係有好多呢d廢物!我覺得係不知所謂!
|
