今日我同細佬係同埋無名出左去大美督，咁就比無名見證到好多野!踩車其實真係有好多野學...
咁今日點解話去大美督呢?其實係有原因既，大美督既地勢係有好多暗斜，可以係天氣熱既時間又唔會浪費好多體力既地方，當然我都係會尋求速度既享受...
咁我地係大埔，個時係18:30，車好多...我教左無名呢個時間係大窩西支路幾繁忙既時間...不過我細佬都係一個尋求刺激既人，都係死飛爛飛...
今日都係...無名處於半比我地放方式比我地帶住玩，練到追逐既加速同埋有發力既意慾...我係大埔東消防局向來都玩到極限為目標，家下有咪標，56km/h，個下d風真係開始覺得凍凍地...但係真係好好玩...
大美督，風光明眉，個夜境幾靚，可惜無自己最喜歡既女友係身邊，如果唔係會係一件幾開心既事...
去返大埔再去吐露港，見到有車隊係灰人場係到練習(快到我都唔信)，有小朋友車隊(勁野黎架個個都)，仲有d街車...都唔差既，都有31km/h...
不過無名居然比班街車話快，呢個係我同細佬訓練佢既成果，當然我地都好開心既，因為無名的確比以前快得好多，亦都見到佢係有一個對自己有要求既人...
之後有條老外係我後面吊我尾，我比佢扯死...唉!好累，specialize貴野真係唔簡單...最好笑係我同細佬係吐露港係返大埔其間決戰，top speed 35km/h，low speed 29km/h...最後細佬係尾250m無力，比我過左頭，yeah!兩兄弟未試過玩到咁狂野...
好開心，好滿足，亦見到無名有進步，佢自己都好開心...返大窩西，突然見到有一個摩打腳阿叔，佢真係天生神力，腳係好快轉動!快過無名有波既車，我真係見到未見過有咁既神人!呢個真係單車天材，咁普通既車比佢玩到咁快...吹哂脹!佢既top speed係平路係30km/h!厲害呀!
|
