尋日本來係打算踩車渡過...莫拉菲呢個風出現得真係唔合時...

咁尋日下午，無名黎左我屋企，咁我係要幫佢處理架街車...老實講做左咁多年人，玩左咁耐車，幾乎市面容易見到既車都接過!但當然都係略懂啦!我其實想試下Fixed gear...

咁街車類其實都幾易搞，講真...全部件都係基本初級件!最易整...不過隻豬兜無名真係乜都唔識!

首先我幫佢踩左d最搞笑既「筷子」...佢去左花都個間「謀人寺」車鋪買，講真呢間環球真係唔撚想做生意，專係呃小朋友生意，講真街車最鍾意去個間，我唔明有咩好...做事手法真係大家幫襯過就知啦!

咁無名比車鋪呃到對好短既「筷子」，老實講其實我係未裝過「筷子」，不過我一睇就明，因為我係見過好多讀鳳溪既人都係有裝「筷子」，其實呢樣我覺得比鋁骨好...因為鋁骨其實個支撐力好差..

無名成日都話...筷子唔夠長，傻啦!唔係唔夠長，係支筷子預你整得高...係無名佢唔明!

最後我地同佢油左個鳳尾，不過無名都係唔明當中車既要素...

有時候，街車係幾有趣既，因為街車細細架又加以整色整水...不過改裝實在太多限制，無計!講真全世界玩單車既人，都唔會好似香港同日本玩得咁多野搞...當然，我唔會再玩返街車，因為街車講真太慢啦!以我現時既體能，好易踩沉一架街車，為左唔想玩爛野，我都係要架好d既車

尋日我係臨返工個時揸子彈，去會一會無名...

咁我有一個fiber既鳳尾，係架子彈到拆出黎...講真呢d 包裝既野我係極子唔喜歡，講真多餘、無用...但換上係無名手上佢就好開心，始終小朋友係對d古靈精怪既野有興趣...

講真，其實個鳳尾真係好舊，我唔明白點解佢會當係寶?有時候其實呢d野係可以自己做，如果我有器材，我一定會自己整一個係水滴型!

咁無名呢條友仔既駕駛意識其實都幾弱，雖然話屋企有車，仲兩架tim...但係領略唔到當中既技巧同細節...尋日佢真係搞笑到，係榮真斜路見到對面線有朋友，佢真係就咁停係到，無啦啦後面遇著RB既師兄，我屌!無名又比人屌到上天台...

個RB師兄係揸住Ridley，呢架車係極之貴，起碼成2萬出街!咁情況就係肥仔無名無故塞路，仲要無靠左，而RB師兄因為無顧及到前車距離，有跟車太貼既問題，導致RB師兄前輪撞向無名既車尾...

咁我親眼睇住件肥仔係咁比人屌...講真今次真係幫唔到幾多，我反而覺得無名係要吸收教訓，先自會明白自己既駕駛技術原來係水到不得了，唔快唔緊要，但至少揸車揸得係安全...

咁我見個師兄真係太火了，我諗係時候要淡化下個情緒，咁我就講:「RB師兄，人地細佬黎既姐，識幾多交通常識呢?」一言驚醒呢位師兄，或者佢腦海都思量過，自己係咁話人，但有冇諗對方只係一個小朋友呢?如果我犯錯既，抵屌既!咁大個人踩單車都仲係咁水皮...

之後我問個師兄，個前轆有冇事?幸好一轉仲係滑雪咁爽，如果唔係無名真係賠埋條低褲都唔掂...

咁最後安然散去，大家都冇損失...不過無名咁搞落去真係會害死佢自己，我諗要教下佢D技巧，唔好再比佢撞板，講真玩車最講既唔係人車合一，而係頭腦清醒!

小出錯唔係問題，有好多野都可以錢解決返，但係大出錯，可能賠上生命...玩車既就要預左係咁，唔好理有冇對錯...而係要相安無事...