本來返嘉盛呢到都無咩野既，向來我都唔理d婆娘同事既事事非非，但係我今日就覺得，有d野係公道上我覺得阿頭放寬令到d婆娘放縱...公平上影響同事既士氣...
首先講下最多麻煩野既「A嫂」蓮姐，唉!我覺得佢太離譜，巡樓成日話腳痛，以呢個借口成日巡樓巡到好遲，講真做呢行人人都會面對職業病行傷腳...人人都係一個鐘鬆D就巡哂樓，點解佢仲可以係到姿柔慢慢黎?呢D就係阿頭唔積極去處理呢D壞同事，我覺得工積上無可否認阿頭係無咩問題，但係對內同事之間既糾紛，卻從來都未有緩和過..
女人向來比我感覺就係最多事非既根源，好多時D女士太多野八掛，太多野去爭論，講真有咩好講...不過我覺得D女同事今次去反應蓮姐既問題，有時我覺得阿頭真係諗諗點樣去處理呢個壞同事!
近期黎左兩個新同事，一個係國哥，一個係肥仔劍雄哥，兩個人都好好，無架子且非常健談，我最開心就係遇到呢D同事，因為保安行業向來都冇咩娛樂性，咁我覺得有呢兩位大哥，我覺得係一種緣份同埋福氣...
最有幽默感既雄哥，佢解答左一個我一直都唔明既問題，如果大家仲記得我講過...有一日我係嘉盛巡樓，無啦啦係行到某層一個單位門外，突然間有一D好令人不安既類似重低音音響既低長鳴聲...由於雄哥係有學過法，佢對呢D有了解而且係有開天眼，所以佢知道我講既情況，佢就話呢個情況係好明顯有「朋友」係附近，而且近到係不出50米之外，我一聽真係嘩然...50米內，即係好近!呢個係我其中一個近距離遇上靈界既紀錄...
其實我覺得嘉盛嘉福一帶係唔好既風水既地方，住嘉盛既你知唔知點解嘉明閣同嘉輝閣有個「風水門」，留意佢打開既位置方位，住嘉福既你，留意下福泰樓個邊個隻銅豹，隻野又向住咩方位?嘉盛同嘉福交界有個小童抱魚既噴水池...小童面向又向住邊個方位?再諗一諗佢地既排位位置，佢地係成一直線架!
雖然我到今日仲未明白呢三個建設有咩作用，但我更想知既係...如果呢個嘉福一帶冇左呢D野，會發生咩事?
|
