阿寶既事，一直我都仲未諗到有咩解決方法，唉!佢既問題令我覺得係咁睇，唔係無得解決，而係佢肯唔肯放底心中既憤慨...
呢一刻，如果我放棄佢，我認為佢只會重覆佢既舊情況，日日迷迷糊糊過日子...我只係想引導佢，唔好再行返舊路，但係成效微弱...因為我覺得佢係一個太易受到引誘而無辦法脫離，另外就係佢自己唔珍惜自己，喜歡放縱情慾，堅持自己一套既自由，反而忘記左自己係現實需要面對既規律、社會環境限制、群體生活既必須性...
咁我可以講既係，佢目前思想同現實軌道仲相差好多好大既差距，暫時仲係沉醉於以前既生活，其實我唔明有咩好?每一日係過住無方向既生活，好咩?打個比喻，城市生活既人，每日在公司打工拼搏，為既係滿足生活開支及需要;另一個比喻，唔好睇少遊牧民族，其實佢地帶下羊牛食草，揸下牛奶，咁佢地都係有方向架!為既係解決生活上既起居飲食...
對生活充滿失望係人之常情，因為人總會有慾望，需要物質、心靈上既補充，但係人既慾望係唔會停，今日完成左，可能明天就固態復萌又要過，我覺得為咁樣而唔開心實在係人生最可悲既事。
人應該為簡單既進步而鼓舞，而唔係為左一步登天。
人應該為自己每一日見到陽光，而感到快樂，因為你挨過了一日的難題!
人應該為自己有得食而拍手掌，因為你係地球幸福的一群人...
人應該向死亡致敬，因為先人都是帶著你渡過人生的一個階段，他/她今天過身了，應該欣慰地說:「辛苦哂啦!你終於可以休息了!」
寶，每一日我都想為你打氣，但係我更希望你唔好放棄自己，咁樣令好多人都心碎，我知道你唔想咁多人對你有期望，我覺得你唔係一個令眾人極度失望既人，依然係一個有朝氣既人，只係今日受到一個重大挫折既時間，唔怕既!我、你仲有大把籌碼... |
