成個星期既辛勞工作終於都過去，我好開心咁展開呢個假期!
我返到屋企08:15，本來就想早d訓既，不過又見自己仲係咁精神，不如就玩陣電腦先啦!有時候我覺得一個屋企物質有一定既充裕，反而令人生活失衡，因為個個人都想玩多d，而令休息既時間不足
好啦!咁我返到屋企，見到細佬架車無係屋企，就諗衰B咁鬼早就出左街?平時放假又唔見佢咁神心咁早就操車?原來佢約左臭軒同埋阿然去左西貢!聽阿B講，佢地去西貢都有唔少野發生，例如阿然係西貢跌左部電話落水渠，我心諗:「下?佢部電話放係車衫袋?點會話跌就跌呀?」原來件車係咁既，佢地去一棵石律樹下，見到地下d石律果好得意，我細佬咁貪玩既性格，肯定去掟下d果!好啦!咁細佬掟完佢地三個又點會放過d果?一齊係掟上樹睇下掟到幾多跌多d果黎掟，點知阿然一跳，部手機跌左落水渠，條渠仲要又深又黑又污漕，唉!死火啦!咁細佬就靈機一捉見到有個垃圾站，搵到把火夾(即係一把交剪形既，原意用來夾炭係燒烤時用，清潔工人就攞黎夾垃圾)，咁就夾返部手機，不過夾左上黎又點?攞返張SIM card，但係部機就報銷左...咁我就覺得呢個係無計，阿然好依賴個車衫袋，呢個係一個教訓，希望佢買返個小腰包，咁可以保障到財物既安全。另外呢，玩果玩到d果跌落黎個時，d果打中臭軒既膊頭，我諗個d石律有一定既硬度，大概同棒球差唔多，應該打中左幾係野...
而我就訓醒左去左邊呢?阿B個時返左屋企，我就同佢去左車鋪睇野，上水都係老鎮同埋trek...咁我想買一件車衫，此終一件衫我覺得唔夠，因為一件洗左，第二日又想用既時候又乾唔到切，搞到要帶住小小濕既情況去玩車，唔好啦!不如比多少少錢好過啦!咁我買左件camp-sys既FORTIST花黑色車衫，同SPECIALIZED 藍火炎既物料有分別，SPECIALIZED係speedy dry，同波衫接近!但係件camp sys係彈性尼龍(即車褲個種料)，論散熱通爽既當然係SPECIALIZED，但係如果貼身黎講，係CAMP-SYS呢件做得好D!不過我兩件都好喜歡，黑衫比人感覺如幽靈，火炎如我的鬥志...
之後我同阿宏去左西貢踩車，開頭佢都有擔心既情況，因為佢係覺得返完學操完跑係有倦意，腳有D痛同埋病病地...不過最後係我說服下佢都係去左西貢!
咁我地由利豐單車店出發，一路行大窩西、吐露、孖橋、馬鞍山市中心再直入西沙路!估唔到阿宏同我係好快就攻左上去水浪窩。呢d就係叻仔!我教佢搖車，佢真係啟發左個思維，而家上斜都搖到快好多啦!當然佢唔似人地d高手咁S啦!
我就今日都破財了，我係西沙路大落斜個時係好快，不過個水樽就係車上跌左出黎，冇啦!都救唔返!個樽白白就跌爆哂!40蚊既zeful，用到今日都係咁上下...
去到西貢，阿宏非常高興，講真佢係第一次黎西貢，心情莫名開心，我都好開心教出一個咁醒既單車人!由街車帶左佢上RB，呢個我都估唔到，其實我係覺得佢踩街車係哂左佢，一個運動天才洗唔洗踩架咁廢既車?除非佢對單車興趣唔大，只係用黎代步呢...
之後我係西貢ok便利店買野飲，13.9蚊特價有3枝雀檸或冰雀或蜜雀，抵到爛!我請左一枝比阿宏飲，好開心!
呢一晚，見到一個人既進步，同埋一個人點樣由無知，變成一個能幹既人，阿宏無浪費我教佢既心血!即係有心去玩車，而且會去理解我教佢既野，好簡單而家佢搖車愈搖愈有規模，相反地偉哥就真係教極都唔識，人搖身動車不動!教黎都浪費時間...
|
