一直以黎，其實我覺得阿寶係好冷漠既人，即係佢對世事接近不聞不問，甚至佢可以連今日發生d咩大事都唔知，咁其實我覺得一個人既生活咁樣又點會有快樂?
即係佢既感情感情觀係根本冇心放係對方身上，求其啦!其實有時自己自問都係處事有d求其，因為好多時做野都有錯漏百出...有好多人都覺得我係括達思想既一類，但係對感情方面，始終都唔會太求其，始終呢d係兩個人既事而唔係單方向發展，而且講既好可能係終身大事，關乎既可能既係結婚呢...
不過佢尋日用一種愛理不理既態度，我個一刻其實係嬲到震...講真我係男友，但都唔care既，咁呢d態度我覺得係好難接受，同埋會諗到就算真係去結婚個一刻，我諗呢d就係結完就分個類，唉!我好無奈咁同佢sms講:「如果你既態度係咁，不如你請回啦!」佢真係直接輸入直接輸出咁彈返過黎話:「好!」
我諗好多人都會覺得佢好古怪...唉!根本我覺得呢d係無得相處，即係佢好難比人容納到佢既思想同埋對人既態度...或者我有一個想法，佢對屋企人都冇容納既情況，對親戚都係嘛嘛，朋友之間都係冇幾多個可以同佢混得埋...咁既情況，不如獨自生活!唔好再令其他人難受，講真佢出口既說話，我唔知佢有心定冇意，但足以令身邊既人心碎
係呢到，我唔係數人地d咩...用量度既方式去講人地既問題，而係我覺得阿寶再係咁落去，佢真係好快比社會排斥，因為一直在軌外行，我只覺得係玩火自焚...
不過算啦!我覺得散左比唔散好，講真平時根本唔覺得有拍拖既感覺，我覺得係好勉強，頂!唔好勉強啦...散，可能係唔開心一陣，但對住佢，我比唔到自己一個理由會開心...
唉!又係自己生日前收左盤，唔通呢個又係自己既宿命，我覺得自己呢一生唔係對女仔太差，但我覺得呢個係宿命...
|
