以前讀中學讀中五係學校六年，年年都聽到粉嶺禮賢會上一手校長就係到講話砍樹同磨斧頭既故事...

故事大既係咁: 話說以前有兩個砍樹既木匠，咁我不如同A君同B君分別啦!咁朝早同時去同一個樹林，A君就一開波係咁砍，好勤力亦都冇停，B就砍下停下飲下水又砍過。

咁好啦，到左中午既時，樹都砍左一半啦!兩個都好平均，A就繼續砍，B就反而係到磨斧頭同食午餐...

到最後樹倒左落黎就搞掂啦!A君就B講:「點解你優閒成咁，但你都係慢我少少既?」

B就答:「冇呀!咁我係中午既時間磨下把斧頭，得閒食下野飲下水咪就咁做完囉!」

呢個故事係教人善用時間，唔好一味推爆個人係咁做!

咁故事就完左，但我覺得呢個故事我較為欣賞A君，因為佢真係對自己既工作好有熱心，而且佢有爭取時間!因為佢以最快既時間去完成佢既工作，我欣賞呢d!有效率、唔會用太多額外既時間，呢種人非常合適係香港既工作環境生存。不過佢衰單純，唔識補充體力，對於一個人工作咁多個小時，應該係要小息...

相反B既工作比較慢，佢要工作食野、飲水、磨斧、休息...佢岩一半錯一半，岩既就係話佢有注意自己身體狀態，保持良好姿態去工作。錯在佢事前冇做準備功夫，佢磨斧點解唔係出發前磨好，又或者係個一日之前磨定，而且短短磨個一陣，對砍樹既進度唔會有太大既幫助。

磨刀我呢方面有認識，磨刀唔係輕輕磨下就可以，呢把刀整出黎極其量都係下廚切下菜...要把利器鋒利，係需要水、時、每次磨刀既角度、手法正確與否、時間(人手磨無3,4個鐘好難有明顯效果)、力量、刀既鋼質好與否...咁多因素，區區磨一陣有用，發夢!

如果再有人咁同我講呢個故事，我覺得呢個人係傻既，因為我分析咁多樣野，我覺得呢個故事荒謬...

天氣好凍，但無阻我玩車既心情，可是呢個係要付出代價，就係要挨得凍!

向來單車衫都係一件好透氣、好貼身既衫，而且有高度排汁同埋散熱功能，不過冬天黎講，真係凍lor!仲要短袖，凍到我發傻，但係我都係頂硬上同阿權去玩車...

咁阿權向來都係玩車玩得好瘋狂...咁佢屋企人搞笑就去旅行，一家四口三缺一去左大陸玩，得返權記係屋企，咁好無癮既，咪出去轆下車lor!

轆車，我地真係慢轆!慢到真係得返1x，呢個係我咁耐出吐露以黎移動速最慢既一次!不過我覺得好玩既，咁欣賞下對岸海濱既美景...唔錯!

我其實就對吐露呢個地方唔默生，但係對於星期四晚上既吐露真係一知半解，終於係創新路見到devil車隊，仲見到ken tim!呢個阿ken真係唔簡單，佢既速度，真係快到加零一，由其佢既技術同速度...我真係服左佢係可以同RB一較高下，呢D就係神人!

咁我地就係去大圍，我亦都想見識下大埔道係點，其實我去大埔道就係想知究竟d人點樣出九龍，但係就咁岩冇人係九龍返...只係見到大埔到既入口，之後點行或者係要問下d高人...

之後阿權帶左我去大圍同沙田交界，即沙田圍呢個地方，亦即係沙角邨既地下大排檔食甜品...呢間野真係得，個魚蛋魷魚朱皮蘿白係ok既，雖然我叫既係咖哩味，但係我覺得唔辣，有時食咖哩唔一定要辣既，因為取其味道都已經係唔錯!之後我再叫杯椰汁，得!向來我唔係太好椰汁，但呢到真係好好飲，真係要再黎食過!(位置:沙角邨樓下，馬鐵線沙田圍站對面大排檔內)

咁我地歸程啦!我同阿權用創新路返黎，嘩!真係比平時用吐露單車徑快好多，亦都係呢個時候，試到java既實力，原來java係好柔，唔係太俱爆炸性，裝左ultergra6600，拖埋原廠9飛，行到都好盡下!都唔夠一架dahon P8裝FSA K-FORCE MEGAEXO快，呢個就係見證到硬架車，唔一定係較易快過摺車，反而DAHON維持得比JAVA好...尋晚既測試係42KM/H，JAVA係奇怪地突然溜後左...所以呢個車廠真係要諗下點搞...

咁我最後去左阿權屋企，即係返嘉盛，見到徐哥係大堂真係開心...上到佢屋企，我見到佢屋企有隻大貓，真係好乖...NICE!