16/10/09
我早上好早就起身去左考車牌，今次忠義街起初我自己本身都以為應該會易d，點知同我預計既相反，唉!老實講，第三次考車，又肥左!我都無野好講，咁我覺得對呢個師傅真係有d失望，因為好多試場上既野，佢其實都教得係仲有一點距離，平時係上水、粉嶺學梗係易啦!因為複雜既路線密度比較少，而且唔會好似試場咁一窩峰咁堆哂係一齊!
況且我覺得上水粉嶺交通密集度點都唔及九龍地方厲害，我覺得忠義街真係好密有車，令我係停車路口等位、燈位待位都唔能夠攞到適當既優先權，咁就比考牌官炸我型就話:「其實無車架啦!你可以放心行車!」
唉!阿sir，我都唔係唔想開，而係我對路面情況唔放心，講真忠義街我係首次揸仲要係師傅冇帶我去呢個地方行過，咁我對路面既信心其實就冇，仲要係考牌咁大壓力，令出錯既機會率亦都大增，所以呢我今次考試我係有4個嚴重，呢個亦都係我係考試既致命傷...
其次呢，我有一個幾嚴重既錯失，係路口有一段係分左右轉既，我就出錯用轉右行轉左，咁就埋單啦!嚴重1: 沒有留意路面情況(冇留意d指示) 2: 沒有按路面指示行車(轉左用錯左轉右) 3: 判斷力弱(冇睇留心諗下點行，粗心大意) 4.行車位置不正確(用錯線轉左)
心甘命抵既，我的確未夠料揸車，行到去ISLANDS SCHOOL同消防局個邊都係心急，死左1次火，不過都好過油塘，3次死火，唉!收得皮!
其實到今日為止，我都係有意思想考電單車，其實細個我都有興趣係電單車，因為電單車方便，輕巧而且較少受交通路面限制，不過呢係個實用性就真係少，除左載自己返工去D地方既，或者有個牌係做下PIZZA外賣仔，載下人(1個)...有大件少少物件既，又或者風出雨打呢!電單車就一D都唔好玩啦!
算啦!下次再考，不如轉師傅...同埋等自己有多D錢一心一意去考好佢仲好，呢個師傅唔係話好差，而係教D野唔係好深入，深入少少既，似乎仲差少少!
19/10/09
我同我老婆阿寶去左旺角，本來我係諗住趁有D時間去操車既，但難得佢有時間，佢又唔洗幫佢阿姨睇表妹，咁咪同佢出去行下囉!亦都係啦!幸好今日冇操車，如果唔係都變落湯雞...
咁我首先同佢去左旺角食野，我同佢去左一間我以前同阿SKY都幾多時食既地方...夏雪!即係女人街去到中銀對上...有間黃色既學校係附近既!
我其實都唔係多同老婆出去行街，講真自己要返工，而且工作時間日夜癲倒，幸好佢未有打工或者返學，如果唔係個D相處時間真係少之又少...趁尚有空閒既時間，應該就要珍惜大家相處既時間，如果唔係未來就會出現，一間屋...總係出現一個人，一係得個佬，一係得個女既，咁就真係好似無左兩公婆之間既相處時間，唔係咁好!
咁食左餐唔錯既野，我覺得幾開心，因為我好鍾意該地方既野食，最好既係佢肯播古典或者懷舊JAZZ MUSIC，我幾喜歡JAZZ，因為佢比人感覺好舒服，我反而唔喜歡D餐廳係播流行歌，我覺得到到都播咩側田、謝安琪，我覺得好悶...
食完野，老婆話想買個D鞋，即係而家好興個D膠鞋...咁幫佢睇下，佢搵到佢想要既COLOR，但無佢碼!唉!可惜!
之後去左SMART打機，我玩BG4，唉!個3波有問題，氣炸我了...轉行玩返灣岸，咁老婆其實手車普通，但今日佢玩得真係幾好!我都好感動，因為佢唔再係亂黎...之後有個麻甩玩個D 16格按鈕既音樂節拍機，有爆笑既扭扭下動作，我同老婆睇左幾耐...笑!
打完機，我地去左潮特，唔錯!買左套WINNIE THE POOR既套裝睡衣比老婆，咁點解買左呢?其實佢同我講笑咁講話如果老婆著個D外套有帽既JACKET，而且有耳仔既卡通人物樣既，我諗幾得意!咁佢就話:「我著你係咪扮波兒先?」我答係!(呢個決定真係有D瘋狂)
點知真係比我搵到套史迪仔、巴斯光年、E O、KULUMI(可羅米，Melody壞版)、Melody...最抵死真係比我搵到poor既睡衣...見幾得意，又無買過衫比老婆，不如打鐵趁熱!買啦!阿寶當場呆左，之後係到笑...呢個亦都係我人生買d咁古怪既衫比自己鍾意既人...我都服左自己點解咁夠pop，呢個係一個好問題!^^....套野都唔係平，都差唔多300蚊找數!一套咁既衫都咁既價，夠我買件車褲!唔緊要啦，老婆開心就得了!
呢一日，簡簡單單又過一日，但係最開心既都係同阿寶過，屋企已經令我失望，返工實在太沉悶了，幸好有阿寶會肯要我呢隻麻甩佬!如果唔係，我既生活真係好枯燥乏味..
|
