競速可以分成幾類: 公路車(Road bike，簡稱RB)、山地車(Mountain trail bike，簡稱MTB)、小輪徑(20吋細轆車)、Fixed gear(其實就有兩種講法，香港俗稱「梗牙」，又或者叫花式單車，可以在奧運環型觀道比賽，或馬戲表演單車)、BMX(小型單車，又稱B仔，可以改成原地花式、平地越野、山地越野、U形管道花式等...)、鐵人車(Triathlon & TT，TT=TIME TRACK)，
先講公路車，如果大家有睇電視，或者上YOUTUBE係SEARCH位打「環法」呢兩個字，咁你就會明白何謂公路車，又或者再簡單咁講，香港有單車神黃金寶，佢就係用呢種車比賽啦!咁呢種公路車輪面好大，大小單位直徑700C，其實700C呢個名稱既來由係點我唔太清潔，我估應該係一d法國人既輪徑單位。
咁公路車其實都幾快，如果靚車夾埋世界高手(例如岩士唐)黎講，平均係可以40幾km/h，極速係可以超過100km/h，同私家車差唔多快...當然呢個係需要鍛鍊才可以得好到如此成績!
山地車，香港比較見得多...唔知點解香港人係比較鍾意有避震既車?可能坐得舒服，又可以彈下...其實功能就唔係咁既，咁山路崎嶇自然就需要器材配合。當然MTB亦可以細分幾類既，有XC(CROSS COUNTRY越野)、JUMPER(彈跳)、DOWNHILL(下山)、FREERUN(優閒)，最刺激對我黎講當然係JUMPER，因為佢需要好多家車既技巧...例如DIRT JUMPER，小小幾個障礙物，又爬得上，好厲害!
小輪徑，我就係玩緊呢類，20吋細轆車，咁都有幾速度既!如果較為品質好既車架及零件，係可以同RB對決，當然啦!由於佢轆細，RB行一圈，小輪徑都行左成3個圈先追到，所以係體力上既維持較為弱，不過亦都適合香港地少人多既性質，講真香港家庭一般黎講都係屋仔細細，唔係個個人屋企都容納咁大架單車係屋企，咁小輪徑細架，可以方便放到!甚至有D係摺得既，所以都成為幾多香港人玩單車選擇既條件。
FIXED GEAR...我諗唔係好多人知道呢種車既存在，因為香港唔係話咁多人係體育學院、南華車會或者有環型管道車場，咁亦都係香港冇乜人有玩馬戲團。咁FIXED GEAR佢既特徵係冇剎車，冇變速!好多人都會問...咁踩出街咪好危險?的確係!因為佢剎車一係就慢慢行到停，一係就倒剎(即係腳倒轉踩)!fixed gear係可以玩花式，例如佢可以坐係個車頭踩...幾有趣既花式車。
BMX呢類細車可能比較為人知道多D，咁佢玩既活動類形其實都幾多，亦都可做好多花式，可以改梗牙做原地花式，亦可以玩花式。我自己對B仔認識唔係好多，不過呢種車亦都係街頭文化出現，美國哈林區亦有不少人玩BMX花式，或者呢個已經成為美國hip hop文既標記。
最後係鐵人車，其實香港對鐵人車既概念冇乜，因為香港個d三鐵都係RB車架再加埋個鐵人頭，我現時都唔係咁易搵到張圖比大家睇到，所以大家可以serch youtube睇下環法TT賽 |
