近排我見細佬已經踏入左一種最難哽既階段，就係人的能力超出了改裝範圍!咁即係話，佢需要一個upgrade!

尋日兩兄弟鼓起勇氣，為一架dahon P8再推過一點...我果架就基本上完成左，但係細佬果架先至係中期階段，咁期實我覺得係拖左一段好長既時間，其實主要就係金錢問題，因為細佬所得既零用不多，而我能夠資助既能力實在有限，所以呢我一直要好快改好哂，再盡快處理埋細佬個架。

慶幸的是，細佬所喜好既唔係太貴，我係有能力完全處理，只係要做零件對比、聽分析、喜好對比、格價、判斷可行性、安全性、重量比例調整、襯色、個人搖車慣性、個人破風慣性、緩衝與極端之間推進空間、支付金錢能力...

咁計好條數，一直就等草錢，到左尋日就即刻改車。細佬其實等左好耐，不過呢段時間係冇白費心機，因為佢用一枝BAR打穩搖車既根基，所以佢而家搖車都算係唔錯。

去到山車堂，由於星期日既關係，鋪頭好多人排隊整車，搞到鋪頭好熱鬧!我見到恩傑、細B、B叔、阿昌、維維、阿昇...反而我見唔到阿jor、龜濂、四哥...

本來我預計係3點幾到，5點鐘都可以收隊，點知唔得，要搞到成6點幾先至走得，不過呢我覺得龍哥做野真係好快，阿聰哥又係好快，兩個整車d手工又唔係差。

不過尋日都發生d小意外，咁聰哥同一個MTB師兄整車，咁MTB個類係JUMPER至UP HILL個類，咁換內胎個時都無事發生，但係一打氣個時就出事了，突然間打氣打到咁上下大爆胎，幸好爆既時候，對鈴係捉住爆，如果唔係有可能爆到彈上天花再插地天花有燈有雜物，好可能會擊中店內既人。不過阿聰哥就真係比爆胎個下食到應哂，佢話爆完之後耳嗚得好勁。

其實爆胎意外單車店就可能比較小兒科，但係如果係私家車至電單車胎，係會爆到成條胎成條鈴炸到上天，甚至如果係一間星鐵車房工作既，好可能成個屋頂都開兩個大洞，第一個係炸左上天打穿一個洞，第二個係高速跌返落地下打中屋頂。

咁最後改好左架車，我都好滿意，因為比預計中的好!

昨日係聖誕，咁全香港既人基本上唔洗返工既都會出去玩下，咁我選擇左單車!咁平時我比較少約恩傑同埋阿權兩位朋友，尋日就約左佢出車，咁後黎阿權仲要去第二到同朋友去街，所以呢就同恩傑玩埋落去，仲上埋去聯和墟山車堂最常玩車既地方火炭穗禾苑，仲上左兩轉tim，真係好開心!

尋日兩點幾，咁就4個人出左去大美督先，不過呢一出到去大埔就已經feel大檸樂，因為假日既關係，實在太多人...基本上我地行得個25km/h都唔到，完全係碌車...我自己係改左AERO TT BAR，成為左好多人既注目既對象，其實我覺得香港既車主可以多D參考TT既車，因為呢種車係一種新科技同科學原理結合既成品。有能力既係應該試試，你會獲得好多驚喜!

咁去到大美督，我同阿權都覺得碌得好辛苦，基本上成日要定車，之後有見及此，即刻小休完去返吐露港，又係勁塞車，我地即刻塞入去創新路。超好笑，我細佬阿B係創新路唔知有警車後面，細佬衝燈比阿SIR BEEP佢，我地即刻笑...佢真係好鬼「燸」呀!^^

之後去到孖橋，好多人，真係人山人海，我又成為被注目既對象，omg...講真我唔明有咩好望，講真我又唔係找人挑戰，咁香港真係好人玩水滴盔同TT，細B唔信，其實如果將香港人玩賽得少少既單車按比例睇，玩TT既車主可能只係1000個得一至兩個玩緊。

咁去到大圍，阿權就走啦!我地告別之後就3個去左大圍一間叫老表食粉麵既食野，個間野D野食都唔錯...

之後我向恩傑提出去穗禾苑山，我地都一致認同!咁第一轉我地三個大戰，其穗禾老實講就唔係好難，因為穗禾真係好短，刺激感都幾大，個D彎都幾急!即係如果跑車個D真係要用飄移下山，咁我覺得個路面其實就幾DUN，講真尋晚我行車其間都DUN得好辛苦，咁亦都係令加速表現唔係咁好，亦都係我覺得TT車係呢D山路令TT BAR既使用率少，因為太多急彎，而TT BAR好難過急彎，一係飛左落山重傷，一係就係條馬路傾角過低磨薑，不過兩種都有重傷至死亡既危險，所以我都係唔選擇使用TT BAR下坡，鹿頸唔同，直斜下坡多，咁就可以好理所當然手持TT BAR，只係你唔係係用TT BAR驚，揸得直D，咁就冇事啦!

咁後來我地諗諗下，山車堂既小隊又就快到，咁又覺得玩得唔係幾夠喉，不如又再上多次，好開心呀見到龜濂呢位FRC既師弟兼一位單車高手，以前見佢玩TYRELL都已經唔錯，而家佢玩埋CANNONDALE，仲勁!咁尋晚見到佢，我同我細佬都認為佢真係比以前更強更快，呢個都係我覺得喜悅，因為我都替朋友高興...尋晚亦見到四哥，不過佢升左呢有對LOCK鞋，幾好呀!睇到佢又有進步，亦係開心既，不過佢依然都係爆計樣，呢個真係好得意。

上穗禾呢龜濂真係由頭扯到落尾，我同細佬處於2至3位置，到落斜又係比佢帶到尾，勁!

之後到吐露港，我已經好早帶出左想同龜濂對戰，後來細佬都從主車扯到出黎，但最後都要比龜濂放20個車位(車位以一架標準格局既公路車位準)，不過算啦!小輪車對公路車其實係冇得打，基本上公路車咁樣玩係屈哂機，但係我同細佬都好開心，因為我地合作得好好，我一路追，細佬嘗試食風尾省力，而且埋尾用一招放飛彈既最後招數...都唔得!可見龜濂至有50幾km/h...

呢一日...真係好開心，好快好正頭...